Жәрдемақы жөніндегі келісім

Ақпан айының басында еліміздегі «Міндетті әлеуметтік сақтандыру туралы» Заңына өзгерістер енгізілгенінен жұртшылық хабардар. Осы заңдық құжаттағы толықтыруларға байланысты кеше Астана қаласы әкімінің орынбасары Аида Балаеваның төрағалығымен әлеуметтік әріптестік пен әлеуметтік және еңбек қатынастарын реттеу жөніндегі қалалық үшжақты комиссияның кезектен тыс отырысы өтті.

Биылғы жылдың 4 ақпан күні жаңа өзгерістермен қабылданған заңның жүктілікке және босануға, жаңа туған балаларды асырап алуға байланысты табысынан айрылған жағдайларда төленетін әлеуметтік төлемді тағайындау мен оның мөлшері жөніндегі 23-1-бабына қосым­ша 5-тармақ енгізілгені белгілі. Осы дема­лыс төлемінің әлеуметтік маңызын ес­керген қалалық әкімдік, Кәсіподақтар кеңе­сі мен Астана қаласының жұмыс беру­шілер бірлестіктері 2012-2014 жыл­дарға арналған үшжақты келісімнің ІV бөлімін 4.7 тармағымен толықтырып, онда мынадай мазмұндағы өзгеріс енгізу жөнінде келісімге келді: «Қазақстан Рес­пуб­ли­ка­сының міндетті әлеуметтік сақ­тан­дыру туралы заңнамасына сәйкес жү­зеге асырылатын еңбек және (немесе) ұжым­дық шарттарға, жұмыс берушілердің акті­леріне жүктілігі және босануына, жаңа туған баланы (балаларды) асырап алуға байланысты табысынан айырылған жағдайларда әлеуметтік төлемдерді шеге­ріп, орташа еңбекақысы сақтала отырып, жүктілігі және босануына, жаңа туған баланы (балаларды) асырап алу бойынша демалыс төлемі туралы шарттар енгізілсін».

Енді қаланың күллі жұмыс берушілері осы ақпаратпен танысып, бір ай ішінде өз сын-ескертпелері мен ұсыныстарын айтуы керек.

– Егер бір ай көлемінде жұмыс беру­шілер тарапынан ешқандай да ескертпелер болмаса, онда келісім заңдық күшіне енді деп есептейміз. Сондықтан жаңа толық­тыруға байланысты ешқандай түсін­беушіліктер болмас үшін жұмыс беру­шілер енгізілген өзгеріспен жете таны­сып, бір ай көлемінде өз пікірін білдіруге тиіс,– деді Аида Ғалымқызы.

Бұдан кейін үш тарап Келісімге өзгеріс­тер енгізу туралы хаттамаға қол қойды.

Ал журналистерге түсінік берген «Ас­та­налық жұмыс берушілер одағы» ЗТБ төр­ағасының орынбасары Валерий Казаков бұл өзгеріс әйелдер қауымы­ның жәрдемақыны алуға деген сенімін арт­тыра­тынын айта келіп, заңға сәйкес жасал­ған үшжақты келісімдегі то­лықты­рулар туралы қаланың күллі жұмыс беру­ші­лерін дер кезінде құлақ­тандырып, тиісті ақпаратты жеткізетінін мәлімдеді.

Қымбат НҰРҒАЛИ