Жәңгірден қалған жәдігер

0 41

Елордадағы Ұлттық музейде Бөкей ордасының 220 жылдығына арналған «Бөкей ордасы – ел мұрасы» көрмесі ашылды. Көрмеге Бөкей ордасындағы «Хан ордасы» тарихи-мәдени сәулет-­этнографиялық музей-қорығынан жүзден астам жәдігер жеткізілді. Ашылу салтанатына Парламент депутаттары, қоғам қайраткерлері, зиялы қауым өкілдері қатысты.

2111111752521904g

Көрме залы 11 тақырыптық бөлімге бөлінген. Бірінші және екінші бөлімдерінде Жәңгір ханның өмірі суреттеледі. Кейінгі бөлімдері Бөкей ордасының қалыптасуы мен дамуына арналған. Бұған қоса, көрме залында қуғын-сүргін жылдарына, Екінші дүниежүзілік соғысқа, Бөкей ордасында туып-өскен танымал тұлғаларға арналған экспозициялар бар.

«Дәл осы Хан ордасы ауылында ХІХ ғасырға жататын 45-тен астам ғимарат және 80-нен астам үй сақталған. Соның ішінде 13 ғимарат Батыс Қазақстанның «Хан ордасы» тарихи-мәдени сәулет-этнографиялық музей-қорығының құрамына енді» деді музей-қорық директорының орынбасары Назымгүл Оразгелдиева.

Көрмеге Исатай Тайманұлының өз сарбазына ерлігі мен абыройы үшін тарту еткен қанжары, Бөкей заманынан қалған қару-жарақтар мен мөртаңбалар, тұрмыстық заттар да қойылған. Жәңгір ханның мундирі мен Фатима ханшаның Санкт-Петербургте І Николайдың тәж тағу рәсіміне киген көйлегі реставрациядан кейін ұсынылып отыр.

Көрменің ашылуынан кейін «Бөкей хандығы – өркениет ордасы» атты республикалық ғылыми-тәжірибелік конференция өтті. Ал елордаға жеткізілген жәдігерлерді 22 қарашаға дейін тамашалауға болады.

Пікір жазу

Почтаңыз жарияланбайды

10 − nine =