ۇستاز مارتەبەسى مەن مىندەتى

0 53

ەلورداداعى № 77 مەكتەپ-گيمنازيادا «پەداگوگ مارتەبەسى تۋرالى» جاڭا زاڭدى تالقىلاۋعا ارنالعان دوڭگەلەك ۇستەل ءماجىلىسى ءوتتى.جيىنعا قالا اكىمىنىڭ ورىنباسارى باقتيار ماكەن، ەلوردالىق ءبىلىم بەرۋ ۇيىمدارىنىڭ باسشى­لارى مەن پەداگوگتارى، «ادىلەت» ءبىلىم بەرۋ قىزمەتكەرلەرىنىڭ كاسىپوداعى مەن اتا-انالار قاۋىمداستىعىنىڭ وكىلدەرى قاتىستى.
باسقوسۋدا №22 «الەم» بالاباقشاسىنىڭ ادىسكەرى ولگا گەلەۆەريا تاربيەشىلەر قۇقىعى مۇعالىمدەرمەن تەڭ دارەجەدە ەكەندىگىن اتاپ ءوتتى. «زاڭدا پەداگوگتار جالاقىسىن وسى جىلدان باستاپ 25 پايىزعا ارتتىرۋ قاراستىرىلعان. سەبەبى مەكتەپكە دەيىنگى ۇيىمدارداعى پەداگوگتارىنىڭ جالاقىسى جوعارى ەمەس. جانە تاربيەشىلەرگە پەداگوگيكالىق شەبەرلىگى ءۇشىن جالاقى كولەمىنە ساي 30 پايىزدان 50 پايىزعا دەيىن اقى تولەنەتىن بولادى. سونداي-اق مەكتەپكە دەيىنگى ۇيىمدار ۇستازدارىنىڭ دەمالىسى 56 كۇنگە ۇزاردى. ودان بولەك، پەداگوگتارعا نەگىزسىز ءتىل تيگىزگەنى ءۇشىن ايىپپۇل قاراستىرىلعان» دەدى.
جاڭا زاڭ تۋرالى پىكىرىمەن كولىك جانە كوممۋنيكاتسيا كوللەدجىنىڭ ديرەكتورى، ءماسليحات دەپۋتاتى زۋلفۋحار گايپوۆ ءبولىستى.
«بىزگە زاڭنىڭ 8 بابىنىڭ 4-تارماعى ۇنايدى. ول بويىنشا نەگىزگى جۇمىس ورنى مەملەكەتتىك مەكەمە بولاتىن پەداگوگتارعا فيلوسوفيا عىلىمدارىنىڭ دوكتورى دارەجەسىنە، سونداي-اق عىلىم كانديداتى عىلىمي دارەجەسى ءۇشىن 17 اەك (45 مىڭ تەڭگە), عىلىم دوكتورلارىنا 34 اەك (90 مىڭ تەڭگە) كولەمىندە اقى تولەنەدى دەپ ايتىلعان. بۇل پەداگوگتار ءۇشىن ۇلكەن ىنتالاندىرۋ» دەدى ول.
سونداي-اق باقتيار ماكەن ءوز سوزىندە «پەداگوگ مارتەبەسى تۋرالى» زاڭ – پەداگوگيكالىق قاۋىمداستىقتىڭ بەدەلى مەن ەلىمىزدەگى ءاربىر ۇستازدىڭ ءرولىن نىعايتۋعا باعىتتالعان ماڭىزدى قادام ەكەندىگىن جەتكىزدى. «پەداگوگتاردىڭ جاعدايىن جاقسارتاتىن بارلىق نورمالار بەكىتىلدى. مۇعالىمدەرگە حالىقارالىق وليمپيادا جۇلدەگەرلەرى ءۇشىن ءۇش لاۋازىمدىق جالاقى مولشەرىندە بىرجولعى سىياقى تۇرىندە كوتەرمەلەۋ قاراستىرىلعان. ءاربىر باپ نورماتيۆتىك-قۇقىقتىق اكتىلەرمەن بەكىتىلگەن. ولار ءىس جۇزىندە ورىندالادى. اتالمىش نورمالار بالالارمەن جۇمىس ىستەيتىن بارلىق تۇلعالارعا قاتىستى» دەدى. اكىم ورىنباسارى زاڭدا پەداگوگتاردىڭ كاسىبي قىز­مەتىندەگى قۇقىقتارى مەن مىندەتتەرى ناقتى كورسەتىلگەنىن، ماتەريالدىق قامتاماسىز ەتۋ، كوتەرمەلەۋ مەن الەۋمەتتىك كەپىلدىكتەرگە قاتىستى نورمالاردى قامتيتىنىن باياندادى.

پىكىر جازۋ

پوچتاڭىز جاريالانبايدى

1 × 5 =