ЖАҢА ҚОНЫСҚА КӨШТІК

«Астана ақшамы» газетінің ұжымы Астана қаласы әкімдігінің қолдауымен жаңа жылды жаңа қоныста қарсы алды.

Басылым бүгіннен бастап Есілдің сол жағалауындағы «Нұрсая-2» тұрғын үй кешенінде орналасқан газеттің жаңа редакциясынан тарала бастайды.

Қазақта «Көршің жақсы болса, қонысың жайлы болады» деген сөз бар.

Редакция ғимаратының оң қап­­та­лында еңсесі биік – «Ақорда», сол жағында қала­ның бой­тұмары­на айналған – «Бәй­терек», ар­қа тұсында елдің айбы­­нын ас­қақ­татқан – Қорға­ныс ми­нистр­лі­гі, қарсы алдында келі­сім мен бей­бітшіліктің кепі­ліне айналған Сыртқы істер ми­нистрлігінің ғимараты орналасқан.

Мемлекеттік билік органдары, дипломатиялық өкілдіктер, жетекші университеттер, заманауи медициналық клиникалар мен ең ірі мәдени ошақтар да осында орын тепкен. Сол жағалаудағы маңызды мекемелердің қатары енді міне, халықтың көзі, құлағы һәм тілі бола білген газет редакциясымен толығып отыр.

Тәуелсіздікпен бірге жасасып келе жатқан елорданың бас басы­­­лымының ең алғашқы саны қа­­зір­гі Қ.Қуанышбаев атындағы Мем­­­лекеттік академиялық қазақ му­зыкалық драма театры ғима­ра­тында жарық көрген болатын. Одан кейін де редакция бірнеше рет қоныс аударды.

Газеттің а­тауы да екі рет өзгертілді. Алайда, ба­сы­лым өзіндік ұстанымы мен ба­ғы­ты­нан айныған жоқ.

Жиырма жылдан астам уақыт бойы «Астана ақшамы» газеті сан саланы қамтып, толғағы жеткен тақырыптар төңірегінде салмақты мақалалар жариялап келеді.

«Жақсы жерге жатсаң, жақсы түс көрерсің» дейді. Еңселі ғима­ратқа қоныс тепкен редакция ұжы­мының қаламының қуаты артып, жазары көбейеді деген сенімдеміз.

Шынар ДОСАН