Жаңа қаулы жарияланды

0 28

Нұр-Сұлтан қаласының бас мемлекеттік санитариялық дәрігері Сархат Бейсенова тұрғындар арасында коронавирус инфекциясының тіркелуінің төмендеуін ескере отырып, жаңа қаулы жариялады.

Жаңа қаулы бойынша бұқаралық іс-шараларды, сондай-ақ отбасылық, еске алу іс-шараларын, оның ішінде үйде (банкеттер, үйлену тойлары, мерейтойлар, еске алу және т.б.), митингілер, шерулер, жиындар өткізуге салынған тыйым күшінде қалады. Қызметі жаңартылмаған нысандар: бильярд, караоке, боулинг-орталықтарға, батуттар, компьютерлік клубтарға, түнгі клубтарға, букмекерлік кеңселер мен ойын клубтарына, оның ішінде лотерея ұтыстарына, жабық ғимараттардағы ойын алаңдары мен аттракциондарға, спорттық объектілерде орналасқандарды қоспағанда, оның ішінде мұзды және роликті сырғанақтарға баруға да тыйым салынған.
Әйтсе де, меншік нысанына қарамастан барлық ұйымдар, кәсіпорындар қызметкерлерінің кемінде 60%-ын қашықтықтан жұмыс істеу түріне көшіруге рұқсат берілді. Одан бөлек сауда объектілеріне, қызмет көрсету саласындағы объектілерге, қоғамдық көлікке және адамдар көп жиналуы мүмкін орындарға дезинфекциялық іс-шараларды жүргізу бойынша жұмыс күшейтілмек. Сол секілді қалалық қоғамдық көліктің жұмысы штаттық режимде жұмыс кестесін белгілей отырып ұйымдастырылады. Қалааралық, облысішілік автобус пен шағын автобус тасымалдарының жұмысы жанданады. Сондай-ақ жексенбіде сауда ойын-сауық орталықтарының жұмыс істеуіне рұқсат берілді.

Пікір жазу

Почтаңыз жарияланбайды

twenty + 13 =