جاڭا وقىتۋ تاسىلدەرى جاڭىلدىرمايدى

0 181

konferenciya_mo_627

نازارباەۆ زياتكەرلىك مەكتەپتەرى، دببۇ پەداگوگيكالىق شەبەرلىك ورتالىعى، كەمبريدج ۋنيۆەرسيتەتىنىڭ ءبىلىم بەرۋ فاكۋلتەتىمەن بىرلەسىپ ازىرلەگەن قازاقستان رەسپۋبليكاسىنىڭ پەداگوگ قىزمەتكەرلەرىنىڭ بىلىك­تى­لىگىن ارتتىرۋدىڭ دەڭگەيلى باعدارلاماسى ۇستازدار قاۋىمىنىڭ كوپتەگەن تۇيتكىلدى ساۋالدارىنىڭ ءتۇيىنىن تارقاتتى. بۇل باعدارلاما يدەياسىن جاقسى تۇسىنگەن ءار ۇستاز ۇلكەن بەلەستەرگە جەتىپ قانا قويماي، اۋىرت­پاشىلىعى مول ماماندىعىنىڭ ءلاززاتىن سەزىنەدى.

ءبىلىم سالاسىنا دەندەپ ەنگەن سونى وزگەرىس، جاڭالىق بىزگە، بارشا ءبىلىم الۋشىلار مەن ءبىلىم بەرۋ­شى­لەرگە اۋاداي قاجەت ەدى. سەبەبى، الەم قارقىندى دامۋ ءۇستىن­دە، سول قارقىنعا ىلەسۋ ءۇشىن بۇرىن­عى­ ۇيرەنشىكتى دۇنيەلەردەن تەز ارادا ارىلۋىمىز جانە زامان، قوعام قاجەتتىلىگى مەن سۇرانىسىنا ساي وزگەرۋىمىز قاجەت. سەبەبى، باع­دار­لا­مانىڭ ەڭ باستى يدەياسى – ءار ادام­نىڭ جاسىنا، مۇمكىندىگىنە، ەرەك­­شە­­لىگىنە قاراماستان، ولاردىڭ قاتىپ قالعان، ەشكىمگە (وزىنە دە، وزگەگە دە) پايداسى جوق ۇستا­نىم­­دا­رىن وزگەرتىپ، جاڭاشا كوزبەن قاراۋعا الىپ كەلەدى ەكەن. مۇعا­لىم­نىڭ ءوزى دە، وزگە دە بايقاپ، بىلمەيتىن قىر­لارى اشىلىپ، كوكىرەگى كەڭەيە تۇسەدى.

«مۇعالىم مارتەبەسىن كوتەرۋ كەرەك» دەپ كوپ دابىلداپ، اي­قاي­لاپ جاتامىز. بىراق ءىس پەن ارە­كەت شامالى-تىن. وسى وزەكتى ماسە­لە­نىڭ وڭتايلى شەشىمى – جوعا­رى­دا ايتىلعان باعدارلاما بولارى انىق… ءار ۇستاز الەمدىك وقىتۋ ءتاسىلىن جەتە ءتۇسىنىپ، ءوز ءتاجى­ري­بە­سىنە ەنگىزسە، ول بيىكتەن كورىنىپ قانا قويماي، بارلىق مارتەبەلەر مەن ماراپاتتاردىڭ، ەڭ باستىسى، شاكىرت ماحابباتىنا بولەنەرىنە مەن سەنىمدىمىن. ال، شاكىرت كوپ مۇمكىندىكتەرگە يە بولىپ، بار ءبىلىمى مەن بىلىگىن ومىردە قولدانا بىلەتىن جان-جاقتى تۇلعا بولماق. ماسەلەن، مەن باعدارلاما اياسىندا مەڭگەرگەن ءتاسىلىمدى بىلاي قولداندىم: وقۋشىلارىمدى جيناپ، وزدەرىن ەركىن سەزىنسىن دەگەن ويمەن از-ماز كوڭىل-كۇيلەرىن كوتەردىم. سودان كەيىن ولاردى توپتارعا ءبولدىم. بىراق ءبىر توپقا ساباققا ەش قىزىعۋشىلىق تانىتپايتىن ەنجار وقۋشىلار ءتۇسىپ قالدى. ەندى نە بولار ەكەن، بۇلار وزگە قاتارلاستارى الدىندا تاۋلارى شاعىلىپ قايتاتىن بولدى-اۋ دەگەن قورقىنىش مازالادى مەنى. جوق، ءبارى كەرىسىنشە بولىپ شىقتى، ءار ءتۇرلى پروبلەمالىق سۇراقتاردىڭ جاۋابىنىڭ ەڭ ۇتىمدىسى مەن قۇندىسى سولاردىڭ اۋزىنان شىعىپ وتىردى. وزگەلەر ولارعا تاڭقالا قارادى، وڭ باعالارىن بەردى. بار جوعى 45 مينۋت ىشىندە وزىمە قاجەت اقپاراتتى جيناي الدىم، سونىمەن قاتار، وقۋشىلاردىڭ وسى ۇردىسكە ۇلكەن قىزىعۋشىلىق تانىتقانىن بايقادىم. ال، مەن الاڭداۋشىلىق تانىتقان شاكىرتتەرىم وزگەلەردىڭ ۇلكەن ىقىلاسىنا بولەنىپ، وزدەرىن ەرەكشە سەزىندى.

الەم وزگەرەدى، الەممەن بىرگە مەن دە، وزگەلەر دە وزگەرەدى، ول – وڭتايلى وزگەرىس، بۇل وزگەرىس ءبىزدىڭ شاكىرتتەردىڭ جارقىن كۇندەرى مەن بولاشاعىنىڭ كەپىلى بولماق.

ءۇمىت يسابەكوۆا، مۇعالىم

 

پىكىر جازۋ

پوچتاڭىز جاريالانبايدى

two × 2 =