جاڭا ماۋسىم جاڭالىقتارى

0 103

IMG_9442

استانادا مەكتەپكە دەيىنگى مەكەمەلەرگە بالالاردى قابىلداۋ باستالدى. بيىل قالاداعى بالاباقشالاردا 5800 ورىن بوسايدى.

استانا قالاسى ءبىلىم باسقار­ماسىنىڭ باسشىسى ەلميرا سۋحان­بەرديەۆانىڭ ايتۋىن­شا،بالا­لاردى قابىلداۋ 2 شىلدەگە دەيىن جالعاسادى. سودان كەيىن اتا-انالارعا بالاباقشالارعا جولدامالار بەرىلەدى. وسى ماقساتتا ارنايى جۇمىس توبى قۇرىلدى. كوميسسيا بالانىڭ جاسى مەن كەزەگىنە قاراي كۇنىنە 300 ادامدى قابىلدايتىن بولادى. كوميسسيا №61 ورتا مەكتەپتە ساعات 15-00-دەن 18-00-گە دەيىن جۇمىس ىستەيدى.

سونداي-اق، جىلدىڭ سوڭىنا دەيىن 15 بالاباقشانى پايدالانۋعا بەرۋ جوسپارلانعان. جالپى، مەملەكەتتىك بالاباقشالاردىڭ تولەماقىسى وزگەرمەيدى. ادەتتەگىدەي 10-12 مىڭ تەڭگە. بوساعان ورىنداردىڭ 20-25 پايىزى 1-2 توپتاعى مۇگەدەك اتا-انالاردىڭ بالالارىنا، اتا-انانىڭ قامقورلىعىنسىز قالعان سابيلەرگە، جەتىم بالالارعا، كوپ با­لالى وتباسىنان شىققان جانە اسكەري قىزمەتكەرلەردىڭ بالالارىنا بەرىلەدى. ال قالعانىنا 2-6 جاس ارالىعىنداعى بۇلدىرشىندەر قابىلدانادى.

ەركەجان ساتىمبەك

پىكىر جازۋ

پوچتاڭىز جاريالانبايدى

three × 3 =