جاناما سالىق سالىنباق

0 252

سويۋز1

كەشە ورتالىق قوممۋنيكاتسيالار قىزمەتىنىڭ بريفينگىنە قاتىسقان قارجى ۆيتسە-ءمينيسترى بەرىك شولپانقۇلوۆ پەن قارجى مينيسترلىگى سالىق كوميتەتىنىڭ توراعاسى ءانۋار جۇمادىلداەۆ كەدەن وداعى اياسىنداعى قازاقستاننىڭ وزگە ەلدەرمەن قارىم-قاتىناس جايىن باياندادى.

ۆيتسە-ءمينيستردىڭ ايتۋىنشا، قازاقستاندا كەدەن وداعىنا مۇشە ەلدەر ءۇشىن مەملەكەتتىك ساتىپ الۋدىڭ ۇلتتىق رەجيمى ۋاقىتشا توقتاتىلعان. ونىڭ سەبەبى، رەسەيدە ەلەكتروندى كونكۋرس جوق، ول مەملەكەت اتالمىش جۇيەنى ازىرلەۋدى ەندى عانا قولعا الىپتى. سوندىقتان، ينتەگراتسيالاۋ ماسەلەسى جابىق كۇيىندە تۇر. ونى اشۋ ءۇشىن رەسەي مەن بەلارۋس رەس­پۋبليكاسى تاراپتارى بەلگىلى ءبىر شارتتاردى ورىنداۋى ءتيىس. ياعني، رەسەي ەلەكتروندى الاڭدى قۇرۋى كەرەك ەكەن.

كوميتەت توراعاسى جاناما سالىق سالۋ جۇيەسى تۋرالى جان-جاقتى اڭگىمەلەدى. ونىڭ سوزىنەن ۇققانىمىز – كەدەن وداعىنا مۇشە مەملەكەتتەر ءوز تاۋارىن وداققا مۇشە وزگە ەلگە يمپورتتاعاندا، تاۋاردى قابىلداۋشى ەل بەلگىلەنگەن مولشەرلەمە بويىنشا جاناما سالىق سالا الادى. قازاقستانداعى قو­­سىمشا قۇن سالىعى ەڭ تومەن – 12 پايىزدى قۇراسا، رەسەي فەدەراتسيا­سىندا – 18 پايىز، ال بەلارۋس رەسپۋبليكاسىندا – 20 پايىز.

«وسىلايشا، كەدەندىك وداققا مۇشە مەملەكەتتەردىڭ ارقايسىسى ءۇشىن جاناما سالىقتاردىڭ ءوز ءمول­شەرلەمەسىن بەلگىلەۋ مۇمكىندىگى قاراستىرىلعان.  كەدەندىك وداقتىڭ نەگىزگى باسىمدىقتارىنا كەلەر بولساق، ولار: جاناما سالىق تولەۋدى 1,5 ايعا دەيىن شەگەرۋ جانە يمپورتتالعان تاۋارلاردى
وداققا مۇشە مەملەكەتتىڭ اۋما­عىنا اكەلە سالىپ ساتۋ» دەدى ءانۋار جۇمادىلداەۆ.

امانعالي شميتۇلى

 

پىكىر جازۋ

پوچتاڭىز جاريالانبايدى

10 + 18 =