ЖАҺАН БАҒЫ ЖАЙҚАЛАДЫ

Астанада «ЭКСПО-2017» көрмесі қарсаңында 97 гектар жерге бота­никалық бақ салынады.

Парктік аймағы бар ботани­калық бақ №24, 26, Қабанбай батыр және Түркістан көше­ле­рі­нің жанында орналасады. Бақ жобасы 6 кешенге бөлінген. Атап айтқанда, екі саябақ аймағы, субұрқақтар орналасқан қосалқы бөлік, Қазақстанның таби­ғатын танытатын ботаникалық бақ пен каскадты жылы­жайлары бар «Жерорта теңізі орманы», «Азиялық пейзаж», «Жер мен ана бағы», «Тропикалық оранжерея» және «Иран», «Испания», «Жапония», «Англия», «Франция», «Италия», «Қытай», «Мысыр» бақтары болады. Сондай-ақ, жасанды көл мен су өсімдіктеріне арналған айдындар да бақтың ажарын аша түспек.