JADIMDAĞI JETİ KÜN

0 94

1-mamır merekesi burın da aytwlı merekelerdiñ biri bolatın. Elimiz Täwelsizdigin alğalı Elbasımızdıñ jürgizgen salïqalı sayasatınıñ arqasında bul mereke Qazaqstandı meken etip otırğan barşa ult pen ulıstıñ ortaq merekesine aynaldı. Olardı burınğıdan da jaqındastıra tüsti.

Apta basında Almatıda Elbasımızben birge Qazaqstan halqınıñ birligi künin keremettey etip atap öttik. Merekeden 2-3 kün burın ötken Assambleyanıñ sessïyasın da mamırdağı mañızdı oqïğalardıñ biri boldı.

Jalpı, biz Assambleya, halıqtar dostığı, tınıştıq töñireginde äñgime qozğağanda aldımen qazaq degen ulttıq keñpeyildiligin, Memleket basşısınıñ eşkimdi böle-jarmay jürgizip otırğan sara sayasatın qosa aytwımız kerek.

Meniñ pikirimşe, ultqa qızmet etwdiñ bügingi ülgisi – qazaqtıñ tiline qızmet jasaw bolıp tabıladı.

Sondıqtan, bir kezderi barşanı bawırına basqan qazaq ultınıñ keñpeyil nïetiniñ ötewi retinde «sen – orıssıñ», «men – kärispin» dep bölinbey, qazaq tilin üyrenwge atsalıswımız kerek. Biraz waqıt burın, «Til ortaq bolmay qoğam toptaspaydı» dep maqala jazdım. Maqalada aldımen qoğamdı toptastırwımız kerek. Al, qoğamdı toptastırwdıñ negizgi kilti – qazaq tili bolwı kerek degen oylar ayttım. Soñğı kezderi «Assambleya endi til üyretw mäselesin qolğa alsa» degen oylar aytılıp jür. Öte orındı. Qazaq tili qazaqtıñ ğana emes, memleketimizdi meken etip otırğan barşa ult ökilderiniñ tili. «Til bilgen quşaqtasadı, til bilmegen pışaqtasadı» degen keremet naqıl bar. Bul degenimiz, til adamdardıñ arajigin ajıratwğa emes, olardıñ özara tüsinistigin arttırıp, dostığın nığaytıp, birige tüswine qızmet etedi.

Til bilgen adam qazaq halqınıñ bolmısın uğıp, onımen jaqındasa tüsedi. Bul memlekettiñ birligin kemeldendire tüspese, keri ketirmeydi.

Keşe ğana merekeni toylaw barısında osı oylarımdı Elbası aldında da ayttım. Aldağı waqıtta da ayta bererim anıq.

Pikir jazw

Poçtañız jarïyalanbaydı

eight − seven =