زاڭسىزدىقتىڭ جولىن كەستى

0 11

پوليتسيا قىزمەتكەرلەرى مەن قالا پروكۋراتۋراسى وكىلدەرىنەن قۇرىلعان ۇشقىر توپ بىرلەسىپ، ەلوردادا قورعانىس ماسكالارىن (بارلىعى 220 دانا، جالپى سوماسى 300 مىڭ تەڭگەدەن استام) جانە دەزينفەكتسيالىق قۇرالداردى (1,7 توننا، جالپى سوماسى 1,5 ملن تەڭگەدەن استام) زاڭسىز ساتۋ دەرەكتەرىن انىقتادى.ازاماتتار باتۋللين جانە ەرەجەپوۆ توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيانىڭ، وتە قاجەت بولماسا ادامدار مەن جەكە كولىك قۇرالدارىنىڭ قوزعالىسىن شەكتەۋ جونىندەگى قالالىق شتاب­تىڭ شەشىمىن ەلەمەي، ۋاكىلەتتى ورگانداردا تىركەۋسىز جانە تاۋارلار مەن قىزمەتتەردىڭ قاۋىپسىزدىگىن باقىلاۋ بولىمىنە حابارلاما جىبەرمەي، «گازەل» اۆتوكولىگىمەن مەديتسينالىق قۇرالداردى ساتقان. جوعارىداعى كورسەتىلگەن فاكتىلەر بويىنشا ب.باتۋللين مەن م.ەرەجەپوۆقا قاتىستى قر اقبك 463-بابىنىڭ 1-بولىگىمەن (تيiستi تiركەۋسiز، رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ) جانە قر اقبك 476-بابىنىڭ 6-بولىگىمەن (كارانتين جانە باسقا دا مiندەتتi سانيتاريالىق-ەپيدەميا­عا قارسى iس-شارالاردى وتكiزۋ) اكىمشىلىك قۇقىق بۇزۋشىلىق تۋرالى حاتتامالار تولتىرىلىپ، اكىمشىلىك ماتەريالدارى سوتقا قارالۋ ءۇشىن جولداندى.

پىكىر جازۋ

پوچتاڭىز جاريالانبايدى

nine + nine =