Ынтымақтастықты дамытады

0 16

Мемлекет басшысы Қасым-Жомарт Тоқаев Дүниежүзілік кеден ұйымының (ДКҰ) Бас хатшысы Кунио Микурияны қабылдады. Президент Қазақстан Дүниежүзілік кеден ұйымының белсенді мүшесі ретінде ынтымақтастыққа ерекше көңіл бөлетінін айтып, ұйым басшысының елімізге көрсеткен қолдауы үшін ризашылығын білдірді.

kz4-3524

Қасым-Жомарт Тоқаев пандемия кезінде елімізде ұлттық экономика мен халықаралық сауданы қолдау жөнінде кешенді жұмыстар жүргізіліп жатқанына тоқталып, бұл жұмыстар қарқын ала түсетінін жеткізді. Кунио Микурия Президентке қабылдағаны үшін алғыс білдіріп, Қазақстанды Орталық Азиядағы көшбасшы ел деп атап өтті. ДКҰ басшысы Түркістан қаласындағы кедендік инфрақұрылым нысандарын аралағанын айтып, жаңа әуежайдың кедендік ресімдеу процесін жоғары бағалады. Кунио Микурия облыс орталығының «Шығыс-Батыс» бағытындағы транзиттік әлеуетінің маңызды екеніне тоқталды. Бас хатшы Қазақстандағы кеден саласының айтарлықтай жетістікке жеткенін атап өтті. Сонымен қатар Бас хатшы Қазақстанның электронды кедендік декларациялау рәсімі мен «бір терезе» қағидатын енгізу тәжірибесі ұйымға мүше көптеген елдер үшін озық үлгі бола алатынын айтты. Тараптар кездесу соңында кеден саласындағы ынтымақтастықты жан-жақты дамытуға келісті.

Пікір жазу

Почтаңыз жарияланбайды

seven + eleven =