WorldSkills: جۇمىسشى ماماندىقتارعا جاڭا كوزقاراس

0 132

ءبىزدىڭ مەكەمە 2017 جىلدان باستاپ ءبىز ءبىلىم بەرۋدىڭ جاڭارتىلعان مازمۇنىنا قويىلاتىن جاڭا تالاپتاردى ۇيلەستىرەتىن، جۇمىس ورىندارىن قۇراتىن جانە جۇمىسشى كاسىپتەرىنىڭ مارتەبەسىن ارتتىراتىن WorldSkills جوباسىنا قاتىسىپ كەلەدى. وسى كەزەڭدە كوللەدج ستۋدەنتتەرى «ءسان تەحنولوگياسى» باعىتى بويىنشا رەسپۋبليكالىق دەڭگەيدەگى «WorldSkills-قازاقستان» چەمپيوناتىنا قاتىستى. نۇر-سۇلتان قالاسى ءبىلىم باسقارماسىنىڭ قولداۋىمەن وتكىزىلەتىن «WorldSkills-نۇر-سۇلتان» چەمپيوناتىنا 2017-2018 جىلدارى كوللەدج ستۋدەنتتەرى 6 باعىت بويىنشا، ال 2019-2020 جىلدارى «ۆەب-ديزاين جانە ازىرلەۋ»، «ءسان تەحنولوگياسى»، «گرافيكالىق ديزاين»، «قوناق ءۇيدى باسقارۋ»، «ەلەكترمونتاجداۋ جۇمىستارى»، «جەلىلىك جانە جۇيەلىك باسقارۋ»، «شاشتاراز ءىسى»، «فلوريستيكا»، «ينتەرنەت-ديزاين» جانە «اقپاراتتىق كابەل جۇيەسى» ماماندىقتارى بويىنشا قاتىسىپ، ءبىلىمى مەن بىلىكتىلىگىن ساراپقا سالدى. تەحنيكالىق ماماندىقتاردىڭ بەدەلىن جانە كاسىبي دايىندىق ستاندارتتارىن ارتتىرۋعا باعىتتالعان WorldSkills International حالىقارالىق چەمپيوناتىنا قاتىسۋ ءبىزدىڭ كوللەدجدىڭ زاماناۋي ماتەريالدىق-تەحنيكالىق بازاسىن قالىپتاستىرۋعا مۇمكىندىك بەرەدى، ناتيجەسىندە WorldSkills ستاندارتتارىنا سايكەس شەبەرحانالارى بار 6 كابينەت جابدىقتالعان. كونكۋرسكە قاتىسۋ بارىسىندا قول جەتكىزگەن جىل سايىنعى تابىستار الداعى ۋاقىتتا ءبىلىم بەرۋ سالاسىن جەتىلدىرىپ، زاماناۋي باسەكەلەس­تىك تالاپتارىنا توتەپ بەرۋگە، سونىمەن قاتار جاڭا بەلەستەردى باعىندىرۋعا باتىل قادام بولادى دەپ ەسەپتەيمىز.
اتالعان جارىسقا جاس بىلىكتى جۇمىسشىلار، ۋنيۆەرسيتەتتەر مەن كوللەدجدەردىڭ 22 جاسقا دەيىنگى ستۋدەنتتەرى، سونداي-اق ۇمىتكەرلەردىڭ شەبەرلىگى مەن بىلىكتىلىگىنە باعا بەرەتىن ساراپشىلار مەن بەلگىلى كاسىپقويلار، ماماندار، وندىرىستىك وقىتۋ شەبەرلەرى قاتىسادى.
بيىلعى «WorldSkills-نۇر-سۇلتان» چەمپيوناتىندا «شاشتاراز ءىسى» ماماندىعى بويىنشا ءبىزدىڭ كوللەدجىمىزدىڭ ستۋدەنتى داۆلەتالى ساندۋعاش 1-ورىنعا يە بولىپ، بايقاۋعا قاتىسۋ حالىقارالىق دەڭگەيدەگى باسەكەگە قابىلەتتى ماماننىڭ قالىپتاسۋىنا قالاي اسەر ەتەتىنىن كوللەدجى ستۋدەنتتەرىنە دالەلدەپ بەردى. «سانقۇمار» جشس ديرەكتورى ابىكەنوۆا ساۋلە ادىلبەكقىزى باستاعان قازىلار القاسى تالىمگەرلەردىڭ ۇلەسىن جوعارى باعالاپ، وسكەلەڭ ۇرپاقتى تاربيەلەۋدەگى كوللەدج وقىتۋشىلارىنىڭ شەبەرلىگىن اتاپ ءوتتى.
ارنايى پاندەردىڭ تاجىريبەلى وقىتۋشىلارى جانە جاس ماماندار – بەيسەنباەۆ ن.ك.، راحيموۆا ا.ك.، كاليمبەتوۆا ل.ك.، ابيلكاسوۆا ن.ا.، شاريپوۆا ج. ي.، كۋبەنتاەۆا ۋ. ج.، كاپشاكپاەۆا ز.س.، تاشيمبەتوۆا ا.ت. ءبىزدىڭ كوللەدج ستۋدەنتتەرىنىڭ حالىقارالىق دەڭگەيدەگى بايقاۋلارعا قاتىسۋىنا جاعداي جاساپ، بەيىندىك باعىتتار مەن باعالى نۇسقاۋلىقتار بەرىپ وتىرادى.
نۇر-سۇلتان قالاسىنىڭ «باسقارۋ كوللەدجى» جشس 20 جىلدىق تاريحى بار وقۋ ورنى، باسەكەگە قابىلەتتى مامانداردى دايارلاۋ بويىنشا ءوز مىندەتتەرىن لايىقتى ورىنداپ كەلەدى جانە ەلىمىزدىڭ بولاشاعى ءۇشىن، تۇرعىنداردىڭ لايىقتى ءبىلىم الىپ، بىلىكتىلىگىن شىڭداۋ جولىنداعى يگىلىكتى ىستەرىن جالعاستىرۋدا.

ع.كابار،
«باسقارۋ كوللەدجى» جشس
ديرەكتوردىڭ وقۋ-تاجىريبەلىك
جۇمىسى جونىندەگى ورىنباسارى

پىكىر جازۋ

پوچتاڭىز جاريالانبايدى

2 × 4 =