Ұстаз ғана жауапты ма?

0 111

Терең білімнің тізгінін ұстайтын еркін елдің ұрпағын тәрбиелеу бесіктен басталады. Баланы тар мағынада мұғалім тәрбиелейді, кең мағынада өмір тәрбиелейді дейміз. Сондықтан, тәрбиеге жауапты тек ұстаздар деп ойлайтын ата-аналар қателеседі. 

Бала тәрбиесіне қатысты мәселе туын­да­са,­­ тек ұстаздың мойнына жүктеп, мә­се­ле­ туындаған сәтте мектепке аудара са­лу­ды,­ өкінішке қарай, ата-аналар әдетке ай­нал­дыр­ған. Алайда, тәрбие жалпыға ортақ деп ой­лай­мын. Адам өзінің табиғи қажеттілігін іске асыруды, қалыптасуын, дамуын тәрбие деп мойындаған. Ежелгі грек ғалымы Пла­тон­ның­ өзі «ата-ана баласына білім мен тәр­бие­ беруге міндетті» деп айтқан.

Балаға дұрыс тәрбие беру керек. Оқу­шы­ға­ мектептегі тәртіп пен мұғалімнің ұй­ым­дас­тыр­ған тәрбие жұмысы әсер етеді. Осы рет­те үйдегі ата-ананың да мектеппен тығыз қарым-қатынаста болғаны едәуір көмек. Бү­гін­гі­ қоғамда баласының мектептегі тәр­­бие­­сі­не,­ оқу үлгеріміне мән бермейтін ата­-аналар да кездеседі. Олар үшін бәріне жау­ап­ты­ – ұстаз. Бала тәрбиесіне бақылау жасағанымыз абзал. Бір-бірімізге сілтемей, ата-ана мен ұстаз бірлесіп жұмыс атқарған жағдайда ғана нағыз патриот болашақты тәрбиелей ала­мыз.­ Егемен еліміздің бо­ла­шағын, қа­зақ­ халқының тілін, дінін, тарихы мен салт­-дәстүрін сақтайтын ұрпақ тәрбиелеу мек­теп­ пен­ ата-ананың негізгі міндеті екенін қай­та­лап­ айтқым келеді.

Жұлдыз ЕЛЕУОВА,
№31 мектеп-гимназияның бастауыш сынып мұғалімі

Пікір жазу

Почтаңыз жарияланбайды

17 − 2 =