ءۇرىمشى مەرىمەن كەزدەستى

0 172

ERA_2818

استانا قالاسى اكىمىنىڭ ءبىرىنشى ورىنباسارى سەرگەي حوروشۋن ءۇرىمشى قالاسىنىڭ مەرى يلحام سابىر مىرزا باستاعان ءبىر توپ دەلەگاتسيا وكىلدەرىمەن كەزدەستى.

ءۇرىمشى مەرىنىڭ استانا قالاسىنا جاساعان رەسمي ساپارى اياسىندا ۇيىمداستىرىلعان كەزدەسۋ بارىسىندا سەرگەي ميحايلوۆيچ قىتاي ارقىلى تاۋار اينالىمىنىڭ جىل وتكەن سايىن ارتىپ كەلە جاتقانىن تىلگە تيەك ەتە وتىرىپ، باس قالانىڭ دامۋىنا توقتالدى.

«بيىل جاس ەلوردامىز 16 جاسقا تولدى. ءوزىن-ءوزى قارجىلاندىرا الاتىن دەڭگەيگە جەتتى. كەلەسى جىلدان باستاپ رەسپۋبليكامىزداعى ءتورت دونور قالانىڭ بىرىنە اينالامىز» دەدى قالا اكىمىنىڭ ورىنباسارى. سوڭعى 16 جىلدا قالا اۋماعىنىڭ ءۇش ەسە وسكەنىن، استانا اۋماعىندا 55 مىڭ شاعىن جانە ورتا كاسىپكەردىڭ بارىن، ەلەكتروۆوز، لوكوموتيۆ، ديزەلدى دۆيگاتەلدەر جانە التىن وندىرەتىن زاۋىتتىڭ جۇمىس ىستەپ جاتقانىن جەتكىزدى.

كەزدەسۋدە ءۇرىمشى قالاسىنىڭ مەرى يلحام Cابىر ءۇرىمشىنىڭ قحر شىڭجاڭ ۇيعىر اۆتونوميالى اۋدانىنداعى قالالىق ءارى اكىمشىلىك ايماق ەكەنىن، قىتاي دەرەكتەرىنەن باسقا «ءۇرىمشى قالاسى» ءتورتىنشى ورتالىق قالالىق ايماققا جاتاتىنىن ايتتى.

وتكەن جىلدىڭ قورىتىندىسى بويىنشا ەكى ەل اراسىنداعى تاۋار اينالىمى 22,5 ملرد اقش دوللارىن قۇراسا، سوڭعى التى ايداعى كورسەتكىش 9 ملرد اقش دوللارىنا جەتكەن. استانا قالاسى مەن قحر اراسىنداعى تاۋار اينالىم كولەمى 2013 جىلى 1,265 ملرد اقش دوللارى شاماسىندا بولسا، بيىلعى جارتى جىلدىقتا 600 ملن اقش دوللارىن قۇراعان.

كەزدەسۋ بارىسىندا استانا مەن ءۇرىمشى قالالارى اراسىنداعى الداعى ۋاقىتقا جوسپارلانعان بىرقاتار ءىس-شارالار تالقىلاندى. جالپى، استانا مەن ءۇرىمشى اراسىنداعى بىرلەسكەن جۇمىستىڭ ماڭىزدىسى – اۋىل شارۋاشىلىعى سالاسىنداعى بايلانىس. وسى ورايدا «استانا اكك» اق ۇك مەن «ءۇرىمشى» مەملەكەتتىك اكتيۆتەردىڭ ينۆەستيتسيالىق كومپانياسىمەن سەرىكتەستىك تۋرالى جاسالعان مەموراندۋمنىڭ ماڭىزى زور. بۇل قۇجات كەلەشەكتە جىلىجاي شارۋاشىلىعى، اۋىل شارۋاشىلىعى سالاسىندا بىرىگە قىزمەت ەتۋگە مۇمكىندىك بەرۋمەن قاتار «ايماقتىق تۇراقتى قوردىڭ» دامۋىنا وڭ ىقپال ەتەدى.

گۇلبارشىن وكەشقىزى

پىكىر جازۋ

پوچتاڭىز جاريالانبايدى

17 + 3 =