ҰЛТТЫҚ ПАНТЕОННЫҢ ҮЗДІК ЖОБАЛАРЫ ТАНЫСТЫРЫЛДЫ

0 87

Тәуелсіздік сарайында Қабанбай батыр кенті ауданында орналасатын Қазақстан Республикасының Ұлттық пантеонының үздік эскиз идеясына жарияланған халықаралық сәулет байқауына түскен жұмыстар таныстырылды. Аталған іс-шара Астана қаласының әкімі Иманғали Тасмағамбетовтің төрағалығымен өтті. Бұл туралы astana.kz сайтына Астана қаласы әкімі аппаратының баспасөз қызметінен хабарлады.

Байқауға осындай нысандарды жобалауда тәжірибелері бар 7 үздік компания, соның ішінде 3 шетелдік (АҚШ, Италия, Иран) және 4 қазақстандық компания қатысты. Атап айтқанда, «KAZGOR» ЖШС, Қазақстанның сәулетшілер одағы, Қазақстанның дизайнерлер одағы, «Астана бас жоспары ҒЗЖИ» ЖШС, EDAW AECOM (АҚШ), Марио Кучинелла (Италия), Курош Рафией (Иран).

Байқау талаптарына сәйкес келетін 20 жоба іріктелді, соның ішінде 7 жоба тапсырыспен жасалса, 13 жоба – бастамашыл жұмыстар.

Қазақстан Республикасының Ұлттық пантеонының үздік жобалары байқа­уының қорытындысы Астана қала­сы­ның Қала құры­лысы кеңесінің мүше­лері­мен қа­растырылғаннан кейін, сон­дай-ақ, Мемлекет басшысының қаты­суы­мен өтетін Астананың даму мәсе­лелеріне арналған жиналыс қоры­тын­дысы бойынша жарияланатын болады.

 

Пікір жазу

Почтаңыз жарияланбайды

2 + 13 =