Üleskerler mäselesin şeşwge barlıq taraptar qatısadı

0 59

Keşe elorda äkimi Altay Kölginov qalada jürgizilip jatqan kürdeli jöndew jumıstarımen tanısıp, problemalıq qurılıs nısandarın aralap, üleskerlermen äñgimelesti.

Qala basşısı E49 köşesindegi №4 wçaskede ornalasqan «Altın Şar WEST» köppäterli turğın üy keşeni üleskerleriniñ mäselelerin tıñdadı. Bul üydiñ 774 päteri «Nurlı jer» bağdarlaması boyınşa, qalğan 714 päter kelisimşart boyınşa salınwğa tïis. Büginde munda birinşi korpwstıñ päterlerin tazalaw jumıstarı jalğaswda,ekinşi korpwstıñ şatırın ornatw, üşinşi korpwstıñ irgetas plïtaların gïdrooqşawlaw jumıstarı jürgizilwde. Qurılıs jumıstarın ayaqtawdı jäne zañdı ïelerine päter berwdi sozatın negizgi problema – turğın üy keşeni ornalasqan jer banktiñ kepi­linde tur. Qazir onı qaytarw bo­yınşa kelissözder jürgizilwde. Altay Kölginov sonday-aq E22 köşesindegi E51 jäne E49 köşeleriniñ aralığındağı «Semeynıy» TK qurılısında da boldı. Oğan 190 ülesker öz qarajatın salğan, barlıq päterler burınnan satılğan. Qazir qurılıs nısanınıñ jalpı dayındığı 90 payızdı quraydı. Üy salw barısında qurılıs sapasına qatıs­tı kemşilikter anıqtaldı, abattandırw, kirme joldar, joldar jäne t. b. mäseleler şeşilmegen. Turğındar üşin bastı mäselesi qurılıs nısandarın tapsırw merzimderiniñ saqtalmawı birneşe ret orın alğan. Jumıstar bayaw qarqınmen jürgizilwde. Sonday-aq, qala äkimi turğın üylerdi paydalanwğa berw merzimderin saqtaw, sonday-aq üleskerler aldındağı barlıq mindettemelerdi orındaw üşin äkimdik barlıq qajetti şaralardı qoldanatının atap ötti. «Barlığı tek äkimdikke ğana baylanıstı emes. Qazir barlıq taraptardı jïnap, is-qïmıl josparın bekitw qajet boladı» dep tüyindedi Altay Kölginov üles­kerlermen äñgimesin.

 

Pikir jazw

Poçtañız jarïyalanbaydı

two + 4 =