Үкімет іс үстінде

0 73

Кеше Орталық коммуникациялар қызметінің дәстүрлі брифингі өтіп, онда Үкімет басшысының және оның орынбасарларының қатысуымен өтетін шаралар жөнінде айтылды. Ол жайында орталықтың ресми өкілі Асқар Әбибуллаев мәлімдеді. 

Сонымен, осы аптада Премьер-министр Серік Ахметов ҚР Әділет министрлігінің өткен жылғы қорытындылары мен биылғы мақсат-міндеттеріне арналған кеңейтілген алқа мәжілісіне қатысады.

14 ақпан күні Үкімет басшысы ҚР Мемлекеттік-жекеменшік серіктестік жөніндегі үйлестіру кеңесінің кезекті отырысын өткізеді. Ал, 15 ақпанда Премьер-министр Экономиканы жаңғырту жөніндегі мемлекеттік комиссияның кезекті отырысына қатысады деп жоспарлануда.

– 12 ақпанда Премьер-министр Серік Ахметов өткізетін ҚР Үкіметінің отырысында 2013-2020 жылдарға арналған Қазақстан Республикасы агроөнеркәсіптік кешенінің даму бағдарламасы қарастырылады. Сапалы агроөнеркәсіп өнімдеріне деген сұранысты ескерсек, агроөнеркәсіптік кешен жалпыұлттық экономикамыздың маңызды бағыты болып табылатынын атап өткен жөн, – деді Асқар Әбибуллаев.

Сондай-ақ, 14 ақпанда ҚР Премьер-министрінің бірінші орынбасары-Өңірлік даму министрі Бақытжан Сағынтаев Ақмола облысына жұмыс сапарымен барады. Сапар аясында 2011-2014 жылдарға арналған Астана қаласына іргелес жатқан елді мекендердің әлеуметтік-экономикалық дамуының кешенді жоспарын іске асыру барысымен танысу жоспарланып отыр.

Айнұр САНАБЕК

Пікір жазу

Почтаңыз жарияланбайды

fourteen + twelve =