ÜYRENİP, ÖZGELERDİ ÜYRETSEK…

0 104

Öz jerinde jürip, öz ana tilin qanşalıqtı biletinin sarapqa salıp, sayıs ötkizetin bizdiñ el ğana şığar. Uyımdastırwşılar buğan amalsız baradı. Sebebi belgili. «Elimizdegi memlekettik qızmetkerlerdiñ şa­mamen 85-87 payızı qazaq bola tura, olar qazaqşa söylemeydi, is-qağazdarın qazaqşa jürgizbeydi. Memlekettik tildi äweli özimiz üyrenip almay, özgelerge üyren dep qalay aytamız?! Sondıqtan, tilimizdiñ qoldanw ayasın keñeytwge üles qosatın munday bayqawlar bizge qajet», – deydi qalalıq Tilderdi da­mıtw basqarmasınıñ bastığı Erbol Tileşov.

Äñgimemiz Qazaqstan halqı tilderiniñ XİV qalalıq festïvali ayasında Q.Qwanışbaev atındağı akademïyalıq qazaq mwzıkalıq drama teatrında ötkizilgen «Memlekettik til – memlekettik qızmette» attı bayqaw jöninde bolıp otır. Jıl sayın ötkiziletin sayısqa osı jolı Astananıñ 16 memlekettik mekemesi qatıswğa nïet bildirgen eken. Sonıñ işinde jetewi iriktelip, bayqawğa joldama alğan. Atap aytqanda, elordanıñ Sarıarqa awdanınıñ äkimdigi, Statïstïka, Ädilet departamentteri, Astana qalalıq sotı, Ekonomïka jäne byudjettik josparlaw, Jolawşılar köligi jäne avtomobïl' joldarı, Jumıspen qamtw jäne älewmettik bağdarlamalar basqarmalarınıñ ärqaysısı bes adamnan turatın komandası qatısıp, memlekettik tildi qanşalıqtı meñgergenderin körsetti.

Tört kezeñ boyınşa sayısqan qatıswşılar äweli özderin, jumıs isteytin mekemesin, maqsat-mindetterin jurtşılıqqa tanıstırdı.

Ekinşi şart boyınşa, sayısşı­lar qazaq tiliniñ bügingi qoğamdağı jay-küyi men qoldanılw deñgeyin körsetetin körinister qoydı. Qatıswşılardıñ buğan da jaqsı äzirlenip kelgeni bayqalıp turdı. Komandalar tügel memlekettik tildiñ qazirgi äljwaz ahwalın qoyılımdarına arqaw etip, tilin qor sanağan, rwhanï jüdew jan­dardı astarlı äzilderimen tüyrey bildi. Atap aytqanda, Sarıarqa awdanı äkimdiginiñ jigitteri ulttıq müddemizdiñ äli künge deyin alğa şığa almay kele jatqanı – özgeniñ köñiline qarap jaltaqtağan jalpaqşeşeyligimizden ekendigin sın tezine alsa, Ekonomïka jäne byudjettik josparlaw basqarması qazaq tilindegi «atsalısw», «atı­şwlı» sındı sözderdiñ kelsin-kelmesin kez kelgen jerde qoldanıla berwi beleñ alğanın ayttı.

Al termïnderdi qazaqşağa awda­rw jarısında Jumıspen qamtw jäne älewmettik bağdarlamalar basqarması men Statïstïka departamentiniñ qızdarı aldına jan salmadı.

Suraq-jawapta qay komanda da bir-birinen qalısqan joq.

Sayısqa är mekeme qazaq tilin erkin meñgergen qızmetkerlerin jibergeni tüsinikti. Sonıñ özinde qazaqtıñ keybir sözderine tilderi kelmey tutığıp, aynaldırğan tört-bes joldı jatqa ayta almay qïnalğan qatıswşılardıñ bolğanı qınjılttı.

Jalpı, «Memlekettik til – memlekettik qızmette» bayqawında ä degennen-aq, közge tüsken Astana qalalıq sotınıñ qızmetkerleri boldı. Qay jağınan da qabiletti ekendikterin körsetken olar bäygeniñ birinşi ornın jeñip aldı.

Ekinşi orın Jolawşılar köligi jäne avtomobïl' joldarı basqarmasınıñ ökilderine buyırdı. Al Sarıarqa awdanı äkimdiginiñ jigitteri üşinşi orındı enşiledi.

Qımbat TOQTAMURAT

OSI BAYQAWDI BASTAN-AYAQ KÖRGEN ADAM ASTANANIÑ BASQARMALARINDA ÖÑKEY QAZAQ TİLİNİÑ QAMIN JEGEN, MEMLEKETTİK TİL DEGENDE NAMISTI QOLDAN BERMEYTİN QIZMETKERLER JUMIS İSTEYDİ EKEN DEP OYLAP QALWI KÄDİK. OLAY BOLĞANDA ĞOY, TİLİMİZ BAYAĞIDA-AQ MEMLEKETTİK «ŞAPANIN JAMILIP», TÖRDE OTIRAR EDİ. ÖKİNİŞTİSİ SOL, BUL – TEK SAHNADAĞI SAYIS QANA. MEMLEKETTİK QIZMETKERDİÑ ÄRQAYSISI İS JÜZİNDE DE DÄL OSILAY SAYRAP, MEMLEKETTİK TİLDİÑ MÄRTEBESİN KÖTERSE EKEN DEYSİÑ QÏYALDAP

Pikir jazw

Poçtañız jarïyalanbaydı

14 + nineteen =