ۇيرەنىپ، وزگەلەردى ۇيرەتسەك…

0 104

ءوز جەرىندە ءجۇرىپ، ءوز انا ءتىلىن قانشالىقتى بىلەتىنىن ساراپقا سالىپ، سايىس وتكىزەتىن ءبىزدىڭ ەل عانا شىعار. ۇيىمداستىرۋشىلار بۇعان امالسىز بارادى. سەبەبى بەلگىلى. «ەلىمىزدەگى مەملەكەتتىك قىزمەتكەرلەردىڭ شا­مامەن 85-87 پايىزى قازاق بولا تۇرا، ولار قازاقشا سويلەمەيدى، ءىس-قاعازدارىن قازاقشا جۇرگىزبەيدى. مەملەكەتتىك ءتىلدى اۋەلى ءوزىمىز ۇيرەنىپ الماي، وزگەلەرگە ۇيرەن دەپ قالاي ايتامىز؟! سوندىقتان، ءتىلىمىزدىڭ قولدانۋ اياسىن كەڭەيتۋگە ۇلەس قوساتىن مۇنداي بايقاۋلار بىزگە قاجەت»، – دەيدى قالالىق تىلدەردى دا­مىتۋ باسقارماسىنىڭ باستىعى ەربول تىلەشوۆ.

اڭگىمەمىز قازاقستان حالقى تىلدەرىنىڭ ءXىV قالالىق فەستيۆالى اياسىندا ق.قۋانىشباەۆ اتىنداعى اكادەميالىق قازاق مۋزىكالىق دراما تەاترىندا وتكىزىلگەن «مەملەكەتتىك ءتىل – مەملەكەتتىك قىزمەتتە» اتتى بايقاۋ جونىندە بولىپ وتىر. جىل سايىن وتكىزىلەتىن سايىسقا وسى جولى استانانىڭ 16 مەملەكەتتىك مەكەمەسى قاتىسۋعا نيەت بىلدىرگەن ەكەن. سونىڭ ىشىندە جەتەۋى ىرىكتەلىپ، بايقاۋعا جولداما العان. اتاپ ايتقاندا، ەلوردانىڭ سارىارقا اۋدانىنىڭ اكىمدىگى، ستاتيستيكا، ادىلەت دەپارتامەنتتەرى، استانا قالالىق سوتى، ەكونوميكا جانە بيۋدجەتتىك جوسپارلاۋ، جولاۋشىلار كولىگى جانە اۆتوموبيل جولدارى، جۇمىسپەن قامتۋ جانە الەۋمەتتىك باعدارلامالار باسقارمالارىنىڭ ارقايسىسى بەس ادامنان تۇراتىن كومانداسى قاتىسىپ، مەملەكەتتىك ءتىلدى قانشالىقتى مەڭگەرگەندەرىن كورسەتتى.

ءتورت كەزەڭ بويىنشا سايىسقان قاتىسۋشىلار اۋەلى وزدەرىن، جۇمىس ىستەيتىن مەكەمەسىن، ماقسات-مىندەتتەرىن جۇرتشىلىققا تانىستىردى.

ەكىنشى شارت بويىنشا، سايىسشى­لار قازاق ءتىلىنىڭ بۇگىنگى قوعامداعى جاي-كۇيى مەن قولدانىلۋ دەڭگەيىن كورسەتەتىن كورىنىستەر قويدى. قاتىسۋشىلاردىڭ بۇعان دا جاقسى ازىرلەنىپ كەلگەنى بايقالىپ تۇردى. كوماندالار تۇگەل مەملەكەتتىك ءتىلدىڭ قازىرگى ءالجۋاز احۋالىن قويىلىمدارىنا ارقاۋ ەتىپ، ءتىلىن قور ساناعان، رۋحاني جۇدەۋ جان­داردى استارلى ازىلدەرىمەن تۇيرەي ءبىلدى. اتاپ ايتقاندا، سارىارقا اۋدانى اكىمدىگىنىڭ جىگىتتەرى ۇلتتىق مۇددەمىزدىڭ ءالى كۇنگە دەيىن العا شىعا الماي كەلە جاتقانى – وزگەنىڭ كوڭىلىنە قاراپ جالتاقتاعان جالپاقشەشەيلىگىمىزدەن ەكەندىگىن سىن تەزىنە السا، ەكونوميكا جانە بيۋدجەتتىك جوسپارلاۋ باسقارماسى قازاق تىلىندەگى «اتسالىسۋ»، «اتى­شۋلى» سىندى سوزدەردىڭ كەلسىن-كەلمەسىن كەز كەلگەن جەردە قولدانىلا بەرۋى بەلەڭ العانىن ايتتى.

ال تەرميندەردى قازاقشاعا اۋدا­رۋ جارىسىندا جۇمىسپەن قامتۋ جانە الەۋمەتتىك باعدارلامالار باسقارماسى مەن ستاتيستيكا دەپارتامەنتىنىڭ قىزدارى الدىنا جان سالمادى.

سۇراق-جاۋاپتا قاي كوماندا دا ءبىر-بىرىنەن قالىسقان جوق.

سايىسقا ءار مەكەمە قازاق ءتىلىن ەركىن مەڭگەرگەن قىزمەتكەرلەرىن جىبەرگەنى تۇسىنىكتى. سونىڭ وزىندە قازاقتىڭ كەيبىر سوزدەرىنە تىلدەرى كەلمەي تۇتىعىپ، اينالدىرعان ءتورت-بەس جولدى جاتقا ايتا الماي قينالعان قاتىسۋشىلاردىڭ بولعانى قىنجىلتتى.

جالپى، «مەملەكەتتىك ءتىل – مەملەكەتتىك قىزمەتتە» بايقاۋىندا ءا دەگەننەن-اق، كوزگە تۇسكەن استانا قالالىق سوتىنىڭ قىزمەتكەرلەرى بولدى. قاي جاعىنان دا قابىلەتتى ەكەندىكتەرىن كورسەتكەن ولار بايگەنىڭ ءبىرىنشى ورنىن جەڭىپ الدى.

ەكىنشى ورىن جولاۋشىلار كولىگى جانە اۆتوموبيل جولدارى باسقارماسىنىڭ وكىلدەرىنە بۇيىردى. ال سارىارقا اۋدانى اكىمدىگىنىڭ جىگىتتەرى ءۇشىنشى ورىندى ەنشىلەدى.

قىمبات توقتامۇرات

وسى بايقاۋدى باستان-اياق كورگەن ادام استانانىڭ باسقارمالارىندا وڭكەي قازاق ءتىلىنىڭ قامىن جەگەن، مەملەكەتتىك ءتىل دەگەندە نامىستى قولدان بەرمەيتىن قىزمەتكەرلەر جۇمىس ىستەيدى ەكەن دەپ ويلاپ قالۋى كادىك. ولاي بولعاندا عوي، ءتىلىمىز باياعىدا-اق مەملەكەتتىك «شاپانىن جامىلىپ»، توردە وتىرار ەدى. وكىنىشتىسى سول، بۇل – تەك ساحناداعى سايىس قانا. مەملەكەتتىك قىزمەتكەردىڭ ارقايسىسى ءىس جۇزىندە دە ءدال وسىلاي سايراپ، مەملەكەتتىك ءتىلدىڭ مارتەبەسىن كوتەرسە ەكەن دەيسىڭ قيالداپ

پىكىر جازۋ

پوچتاڭىز جاريالانبايدى

fourteen − 11 =