TUTINWŞILAR QUQIĞI QAPERDE BOLADI

0 135

Ortcom

Bürsigüni Ortalıq kommwnïkacïyalar qızmetinde QR tutınw­şılardıñ quqıqtarın qorğaw agenttigi törağasınıñ orınbasarları Jandarbek Bekşïn men Nurlan Uranhaevtıñ qatıswımen brïfïng ötti.

Brïfïngte elimizdegi sanïtarïyalıq-epïdemïologïyalıq jağday, tutınwşılıq quqıqtarın qorğaw jäne Qazaqstannıñ işki narığında önimniñ qawipsizdigin qamtama­sız etw mäseleleri aytıldı. Sonday-aq, Jandarbek Bekşïn bïıl respwblïkadağı sanïtarïyalıq-epïdemïologïyalıq jağday­dıñ turaqtı ekenin ayttı.

Ol öz sözinde: «Jıl sayın memleket ïnfek­cïyalıq awrwlardıñ aldın alwğa qomaqtı qarjı bölip otıradı. Mısalı, soñğı 7 jılda turğındardı ïnfekcïyalıq awrwlarğa qarsı vakcïnacïyalawğa bölinetin qarjınıñ kölemi 12 esege artıp, 15 mlrd teñgeni quradı» dedi. Bekşïn balalardı qızamıqqa qarsı vakcïnacïyalaw qızılşağa jäne epïdemïyalıq parotïtke, b tïpindegi gemofïl'dik ïnfekcïyağa qarsı aralas vakcïnalar quramında aralas jürgiziledi jäne pnevmokok ïnfekcïyasına qarsı vak­cï­na­cïya­­law kezeñ-kezeñmen engiziletinin ayttı.

Sonımen qatar, ötken 5 aydıñ qorı­tın­dısı boyınşa elimizde qızılşanıñ 167 jağdayı tirkelgen eken. Al 2013 jılı munday 73 jağday orın alğan.

Agenttik epïdemïyalıq mañızı joğarı ob'ektilerge qatıstı tekserw toqsan sayın emes, jartı jılda bir ret, al epïdemïyalıq mañızı ortaşa ob'ektilerge qatıstı jartı jıl sayın emes, jılına bir ret jürgiziletin boladı. YAğnï, atalğan toptar boyınşa josparlı tekserwlerdiñ jïiligin 2 esege qısqartw usınılğan.

Al Nurlan Uranhaev agenttiktiñ basım bağıttarınıñ biri önimniñ qawipsizdigi men sapasın qamtamasız etw jönindegi is-şaralar bolıp tabılatının söz etti.
«Agenttik Dünïejüzilik banktiñ järdemdeswimen sanïtarïyalıq-epïdemïo­logïya­lıq saraptama jäne monïtorïng ğılımï-praktïkalıq ortalığı janınan «Ortalıq Azïya tamaq qawipsizdigi» oqıtw ortalığın qurwdı josparlap otır. Ortalıqtıñ qızmeti halıqaralıq standarttardı jäne oqıtwdıñ birneşe türin paydalana otırıp, bïznes-operatorlardı oqıtwğa, sonday-aq, vedomstvo mamandarınıñ käsiptik bilimin üzdiksiz arttırwğa jäne praktïkalıq dağdıların jetildirwge bağıttalatın boladı» dedi ol.

Sonımen qatar, Nurlan Uranhaev ağımdağı jılğı 7 mawsımda Qazaqstan Respwblïkası Ükimetiniñ qawlısımen Tutınwşılardıñ quqıqtarın qorğaw jüyesin jetildirwdiñ 2014-2015 jıldarğa arnalğan keşendi jos­parı bekitilgenin habarladı.

Nurïslam QUSPANĞALÏ

 

Pikir jazw

Poçtañız jarïyalanbaydı

2 − one =