ءتۋريزمدى دامىتۋ ماڭىزدى

0 184

cf06ed764dfd4690dece6556916

وتكەن اپتانىڭ سوڭىندا تۋريزم سالاسىندا بوس ورىندار جارمەڭكەسى ءوتتى. شارا بارىسىندا ەلوردالىق تۋريستىك كوم­پانيا­لار، مەيرامحانالار، ءدامحانالار مەن قوناق ۇيلەر بوس جۇمىس ورىندارىن ۇسىندى.

«وتكەن جىلى استانا قالاسىنىڭ جۇمىسپەن قامتۋ جانە الەۋمەتتىك  باعدارلامالار باسقارماسىنا كورمەنى وتكىزۋ تۋرالى ۇسىنىس جاسادىق. ولار ءبىزدى قولداپ، سونىڭ ارقاسىندا كورمە جىل سايىن ۇيىمداستىرىلاتىن بولدى. بيىل ەكىنشى رەت وتكىزىلىپ وتىر. بىلتىر ەۋرازيا ۇلتتىق ۋنيۆەرسيتەتىنىڭ عيماراتىندا وتكەن بولاتىن. وعان 15-كە جۋىق جۇمىس بەرۋشى تارتىلدى. ال بيىل ولاردىڭ سانى 40-تان اسادى، بۇل ماڭىزدى جايت» دەدى تۋريزم يندۋسترياسى ۇلتتىق قاۋىمداستىعىنىڭ پرەزيدەنتى گاۋھار جۇنىسبەك.

ۇيىمداستىرۋشىلاردىڭ ايتۋىنشا، ءىس-شارا جۇمىسسىز جۇرگەن ازاماتتاردى جۇمىسقا ورنالاستىرۋعا عانا ەمەس، سونداي-اق، وسى سالا ماماندارىن دارىپتەۋگە نەگىزدەلگەن. اتالعان ءىس-شارا ەلوردادا تۋريستىك سالانى ودان ءارى كەڭەيتۋگە جانە «ەحرو-2017» كورمەسىن ۇيىمداستىرۋ ءۇشىن كادرلار دايارلاۋعا ىقپال ەتەدى.

«كورمەنىڭ ماقساتى – تۋريزم سالاسىنىڭ ماماندارىن دارىپتەۋ، تۋريزم سالاسىندا، قىزمەت كورسەتۋدىڭ بەدەلىن كورسەتۋ. مەنىڭشە، بۇل وزەكتى ءما­سەلە. اسىرەسە، «ەكسپو-2017» قار­ساڭىندا، قىزمەتتەر مەن قىزمەت كورسەتۋ سالالارى ماڭىزدى بولىپ تابىلادى. جىل سايىن بۇل ءۇردىستى ارتتىراتىن بولامىز» دەدى گ.جۇنىسبەك.

نۇريسلام قۇسپانعالي

 

پىكىر جازۋ

پوچتاڭىز جاريالانبايدى

three × one =