«Astana aqşamı»
El jüregi – elorda şejiresi

Tulğa mereytoyına tartw

0 115

Elordadağı Ulttıq akademïyalıq kitaphanada Mädï Bäpïulı jäne Jüsipbek Elebekov atındağı respwblïkalıq än bayqawlarınıñ, «Şabıt» halıqaralıq festïvaliniñ lawreatı Erjan Bazarbekovtiñ «Taw işinde» attı üntaspasınıñ tanıstırılımı ötti.

Üntaspanıñ «Taw işinde» atalwı tegin emes. Oğan aqın, jazwşı, dramatwrg, körnekti memleket jäne qoğam qayratkeri Säken Seyfwllïnniñ osı attas twındısımen qatar «Bizdiñ jaqta», «Kökşetaw» änderi engizilgen. Bïıl arda azamattıñ twğanına 125 jıl tolıp otır. Atalmış şara onıñ mereytoyı men kezinde Säken atawın özi qoyğan Jañaarqa awdanınıñ 90 jıldığına arnaldı.
Säken Seyfwllïnniñ twğan inisi Mäjïttiñ urpağı Säken Orınbekulınıñ demewşiligimen jarıq körgen dïskke jalpı alğanda 17 twındı engizildi. Sonıñ işinde Birjan sal, Ükili Ibıray sekildi Arqa änşilik mektebi iri ökilderiniñ änderimen qatar Ïl'ya Jaqanov, Murathan Eginbaev, Mübaraq Salıqov sındı belgili kompozïtorlardıñ, änşiligi elge ayan bola otırıp, kompozïtorlıq qırların da tanıtqan Jänibek Kärmenov pen Jaqsıgeldi Kemalovtıñ, söz ben saz önerin teñ ustağan Qoylıbay Asanov, Erlan Tölewtay, Amanjol Ältay sïyaqtı rwhanïyat sarbazdarınıñ şığarmaları engizildi.
Qazaqstannıñ halıq ärtisi, än düldüli, ustaz Qayrat Baybosınov kezinde Jüsipbek Elebekovten tälim alsa, özi bügingi bwın änşileriniñ talayın tärbïelep şığardı. Erjan Bazarbekov te onıñ şäkirti. Osı şarağa äygili änşi arnayı qatısıp, şäkirtine aq tilegin bildirdi. Osınday ortada arqalanıp, «äw» dep jiberdi.
Buğan qosa, belgili matematïk ğalım, ğılımğa ölşewsiz eñbek siñirgeni üşin «Ğasır adamı» atanğan Temirğalï Köketaev, jazwşı Kämel Jü­nistegi, qazaq televïzïyasınıñ ardageri Äbdiräli Bölebay, änşi, öner zerttewşi, Qazaqstannıñ eñbek siñirgen ärtisi Serik Ospanov, tanımal aqın, Memlekettik sıylıqtıñ ïegeri, elordadağı S.Seyfwllïn murajayınıñ dïrektorı Nesipbek Aytulı qatarlı basqa da azamattar izgi lebizderin jetkizdi.

Pikir jazw

Poçtañız jarïyalanbaydı