Tüytkildi mäselelermen tanıstı

0 176

Keşe Nur-Sultan qalası mäslïhat depwtattarı elordadağı birqatar bilim berw mekemeleri men sport nısandarın araladı. Tek otırıstarda ğana talqılay bermey mekemelerdegi jağdaydı öz közderimen körgen depwtattar tüytkildi mäselelermen tereñinen tanıstı.
Elordadağı erteden kele jatqan muğalimderdi dayındaytın qara şañıraq Gwmanïtarlıq kolledjdiñ tarïhı 1944 jıldardan bastaladı. Atalğan bilim ordasınan osı waqıtqa deyin talay mıqtı pedagogtar bilim alıp, elimizdiñ tükpir-tükpirinde qızmet etip jür. Sol kezdegi oblıstıq ïspolkomınıñ eñbekşi depwtattarı şeşimi boyınşa qurılğan bilim ordası Aqmoladağı qazaq-orıs tilderinde oqıtatın birden-bir pedwçïlïşe edi. 2019 jıldan beri gwmanïtarlıq kolledj Astana halıqaralıq wnïversïtetiniñ qaramağına senimgerlik basqarwğa berildi. Memleket pen jekelegen tulğalardıñ birlese basqarwınan güldenermiz degen oqıtwşılar men stwdentterdiñ armanı jelge uşıptı. Bilim basqarmasına stwdentter şäkirtaqılarınıñ waqtılı tüspeytinin aytıp jïi şağımdansa, ustazdar jağı eñbek­aqılarınıñ äli öspegenin aytıp narazılıq tanıtwda. Depwtattar keledi degendi estip bir top pedagog kolledj aldına jïnalıptı. «Biz – burınğı gwmanïtarlıq kolledjdiñ oqıtwşılarımız. Memlekettiñ senimgerlik basqarwmen bergenine qarsı emespiz. Biraq soñğı bir jıldıñ işinde oqıtwşılardıñ jağdayı jaqsarıp jatqan joq, kerisinşe naşarlap ketti. Qazaqstannıñ bükil pedagogterine tïesili 25 payızdı bizge qospay otır. Astana Halıqaralıq wnïversïtetiniñ basşılığınan nege ekenin surasaq, senimgerlik basqarwğa berilgen oqw ornı ondayğa jatpaydı deydi. Biraq muğalimderge qoldaw Prezïdenttiñ tapsırısımen berilip jatır ğoy. Biz de barlıq pedagogtarmen qatar eñbek etip jatırmız. Al jıl işinde biz burın alıp kelgen eñbekaqımızğa zar bolıp qaldıq. Bizdiñ bilwimizşe, senimgerlik basqarwğa jağdayı tömen oqw orındarın beredi. Arı qaray jaqsarsın dep. Gwmanïtarlıq kolledjdiñ jağdayı senimgerlik basqarwğa deyin de jaqsı boldı. Materïaldıq jağdaydıñ bäri burınnan jasalğan. Biz jaqsarwdıñ ornına naşarlap kettik. Jılda beriletin premïya da bïıl joq» deydi oqıtwşılar qawımı.
Astana halıqaralıq wnïversïteti mäslïhat depwtattarınan muğalimderdiñ eñbekaqısın qalpına keltirwge kömek berwin surap otır. Al mäslïhat depwtattarı: «Biz sizderdi estidik. Barlıq mäseleni aqılmen şeşeyik» dep pedagogtardı sabırğa şaqırdı. Bul mäsele aldağı waqıtta mäslïhat otırısında qayta qaralmaq.
Kelesi nısan – «Abadan» balabaqşası. Soñğı ülgide salınğan üş qabattı balabaqşanıñ oqıtw jüyesi de erekşe. Balalardı şığarmaşılıqqa bawlw arqılı sabaq ötedi. 360 balağa arnalıp salınğan mekemede qazirgi tañda 180 bala bilim alwda. Degenmen balabaqşanıñ da öz qïındıqtarı bar. «Memlekettik jeke seriktestik ayasında 2018 jılı balabaqşa qurılısı bastalğan edi. Jıl işinde ayaqtalwı tïis nısan üş jılğa sozılıp, 2020 jıldıñ soñında ğana paydalanwğa berildi. Memlekettik seriktesterimiz ïnfraqurlım men elektr jelisimen qamtamasız ete almağandıqtan, qurılıs uzaqqa sozıldı. Tipti balabaqşa ornalasqan jer telimi de tolıqtay basımızğa ötpey otır. Balabaqşa tolıqtay salınıp bitwi üşin nesïe de aldım. Qazir mekeme öz qunın tolıq ötey almağandıqtan, bilim basqarmasınan qoldaw körsetwin suraymız» dedi käsipker Almas Satılğanov.
Budan äri mäslïhat depwtattarı mümkindigi şektewli qala turğındarına arnalğan «Tarlan» muz arenasında, paralïmpïadalıq jattığw ortalığında boldı. «Bügin biz gwmanïtarlıq kolledjdiñ, balabaqşanıñ jäne sport nısandarınıñ jumısımen tanıswdı maqsat ettik. Barlıq jağdaydı jan-jaqtı qarap aldağı waqıtta şeşwge tırısatın bolamız. Memlekettik jeke seriktestiktiñ küşimen salınğan «Abadan» balabaqşasına transformator kerek bolsa, paralïmpïadaşılarımızğa sporttıq quraldar jetispey jatır. Byudjetten bölingen aqşanıñ tïimdi jumsalwın qadağalaytın bolamız» dedi mäslïhat depwtatı Erlan Däkenov.

Köktem QARQIN

Pikir jazw

Poçtañız jarïyalanbaydı

nineteen + five =