Тоғызқұмалақ тартысы тәмамдалды

0 91

Павлодар қаласында тоғызқұмалақтан ерлер­  және әйелдер арасында жекелей Қазақстан чемпионаты өтті. Жарысқа 13 облыс және Астана, Алматы қалаларынан 104 спортшы қатысты

Оның ішінде: 1 Қазақстан Рес­пуб­ликасының еңбек сіңірген спорт шебері, 10 халықаралық дәрежедегі спорт шебері, 22 спорт шебері және 39 спорт шеберлігіне үміткер өнер көрсетті. Жарыс Швейцар жүйесімен классика, шапшаң және рапид түрлері бойынша өткізілді. Бас төреші болып жоғары дәрежелі ұлттық төреші Ш.­Каш­кенов (Павлодар облысы) және бас хатшы ретінде жоғары дәрежелі ұлттық төреші Б.Төлегенов (Ақтөбе облысы) сайланған болатын.

Жарыс нәтижесінде классика түрі бойынша ерлер арасында 1-орынды – 7,5 ұпаймен Жанат Каймульдин (Павлодар), 2-орынды – 7 ұпаймен Айдос Сейітжан (Астана), 3-орынды 7 ұпаймен Ғалымжан Темірбаев (ОҚО) иеленді.

Ал қыздар арасында Әсел Далиева­ (Қы­зылорда) 8,5 ұпаймен топ бас­та­са,­ Диана Кенина (Ақтөбе) 7,5 ұп­ай­мен 2-орынға қол жеткізді. 3­-ор­ын­ды Салтанат Сапарбекова (ОҚО)­ қа­на­ғат тұтты.

Шапшаң ойын түрі бойынша Алмаз­ Жақ­сы­лықов (ШҚО) пен Серік Ақ­та­ев­ (ОҚО) бірінші және екінші ор­­ын­­дар­­ды­­ бө­ліссе, Сабит Сапарбеков (ОҚО) пен астаналық Нұрбек Құр­ма­нов­ үшінші орын иегерлері атан­ды. Осы түрде қыздар арасынан Әсел Далиева, Салтанат Сапарбекова (ОҚО), Диана Кенина (Ақтөбе), Ақ­шол­пан­ Ай­ға­лиевалар (БҚО) ал­ғаш­қы­ үштіктен көрінді.

Тоғызқұмалақтың Швейцар жүйесі бойынша соңғы түрі – рапид бойынша ерлер арасында Ғалымжан Темірбаев (ОҚО), Медет Биғазин (Қостанай), Хакімжан Елеусінов (Қызылорда), ал қыздар арасынан Роза Райымбекова (Павлодар), Ай­нұр­­ Мол­дах­ме­това, Алтынгүл На­ғы­­мо­­ва­ (Алматы облысы) жүлделі ор­ын­дар­дан көрінді.
Жалпы медаль саны бойынша Қы­зыл­ор­да облысы 2 алтын, 1 қоланы ие­ле­ніп, топ бастап тұр. 2 алтын алған Павлодар облысы 2-орында. 1 алтын, 2 күміс, 3 қола еншілеген ОҚО-дан кейін 1 алтыны бар ШҚО 4-орынға табан тіреді. Ал астаналық команда 1 күміс, 1 қоланы қанжығалап, алғашқы бестікті түйіндеп тұр. Бұл бас қала ойыншылары үшін көңіл көншітерлік көрсеткіш емес.

Ербол ЖАНАТ

Пікір жазу

Почтаңыз жарияланбайды

15 − 11 =