Toğızqumalaq pen şahmat çempïonatı

0 119

Elordada 14,16,18  jasqa deyingi jasöspirim uldar men qızdar arasında şahmattan qala çempïonatı ayaqtaldı. Qalalıq twrnïrge qajırlılıqpen dayındalıp, ala taqtada qarsılasınan aylasın asırğan alğır oyınşılar Astana qurama komandasınıñ sapına kirdi. Osı qurama aldağı bolatın Respwblïkalıq çempïonatta elordalıqtardıñ atınan qatıspaq.

Twrnïr nätïjesinde: 14 jasqa deyingi uldar arasında birinşi orındı mümkin bolğan 7 upaydıñ 6-ına qol jetkizgen Aqjan Şopanov jeñip aldı. Qızdar arasınan mümkin bolğan 6 upaydan 5,5 upay jïnağan Dïnara Beysenbaeva ozıq şıqtı. 16 jasqa deyingi jasöspirimder arasında 4 mümkindikten 3,5 upay jïnağan Ayaz Mïnahanov topjardı. Däl osınday nätïjemen qızdar arasın­da birinşi orındı Anna Lyan ïem­dendi. 18 jasqa deyingi qatı­sw­şılar ara­sında Nurtas Arw­nov jïnawğa tïis 5 upaydıñ 3-imen top bastasa, tïisinşe, Aïda Qadenova boyjetkender arasında eñ joğarı 4 upaydı enşilep, qala çempïonatınıñ jeñimpazı atandı.

Endi jeñimpazdar men jülde­ger­ler Astana qalasında nawrız ayı­­nıñ ekinşi jartısında öte­tin ult­tıq birin­şilikke dayındalatın boladı.

Şahmatşılardan keyin bir­den ulttıq toğızqumalaq oyınınıñ üzdikteri anıqtaldı. Er­ler men äyel­der ara­sın­dağı çempïonat­tıñ klassïka sanatında eñ joğa­rı 9 upay jïnağan Nurbek Qur­ma­nov pen Ayım Musaeva top jar­dı. Al, blïc sanatında erler işi­nen elordalıq quramanıñ jetek­şisi Maqsat Şotaev mümkin bol­ğan 9 upaydan 8,5 upay jïnap, je­ñis­ke jetti. Äyelder arasında Baqıt­jan Ğadılbek (7-den 7) eñ joğar­ğı balmen top bastadı.

Osı atı atalğan toğızqumalaq­şılar aqpan ayınıñ 5-14 aralı­ğında Pavlodar qalasında ötetin Qazaqstan çempïonatında baq sınamaq.

Erbol JANAT

Pikir jazw

Poçtañız jarïyalanbaydı

ten − two =