Tizimde – 361 käsiporın

0 107

Prem'er-mïnïstr Asqar Mamïnniñ törağalığımen ötken Ekonomïkanı jañğırtw jönindegi memlekettik komïssïya otırısında Qazaqstandağı jüye qurwşı käsiporındardı memlekettik qoldaw şaraları qaraldı. Ükimettiñ resmï saytı habarlağanday, Ulttıq ekonomïka mïnïstri Rwslan Dälenov jüye qurwşı käsiporındardıñ tïisti tiziminiñ jobasın tanıstırdı. Tizimge qurılıs, kölik, energetïka, sawda, jıljımaytın mülikti jalğa alw, taw-ken öndirisi jäne öñdew önerkäsibi salalarındağı 361 käsiporın engizilgen.
Memlekettik qoldaw şaraları retinde nesïeler boyınşa memlekettik kepil­dikterdi usınw, jeñildikti ötimdilikke qol jetkizw, salıq tölewdi keyinge qaldırw, QQS qaytarw procesin jeñildetw äri jedeldetw, barlıq ruqsat berw qujattarı men memlekettik qızmetterdi usınwdı jedeldetw qarastırıladı.
Jüye qurwşı käsiporındar öz kezeginde jalaqı tölenetin jumıs orındarın saqtawğa, otandıq öndirwşilerdiñ tawarları men körsetiletin qızmetterin satıp alwğa (bolğan jağdayda), qoldanıstağı kelisimşarttar ayasında waqıtılı tölemderdi qamtamasız etwge, aşıq aqparat berwge, 2019-2020 jıldar üşin top-menedjmentke dïvïdendtik tölemder men bonwstardı alıp tastawğa mindetteledi.
Sonımen qatar, otırısta azamattıq avïacïya swb'ektilerine salıq jeñildikteri men artıqşılıqtarın berw, memlekettik qoldawdıñ basqa da şaraları, awıl şarwa­şılığı men maşïna jasaw salalarındağı iri käsiporındardıñ operacïyalıq qızmetiniñ qazirgi mäseleleri jäne t.b. qaraldı.

Pikir jazw

Poçtañız jarïyalanbaydı

three × five =