Теңдесі кем театр

0 121

Биылғы Астана күнінің айрықша шашуы­ класси­калық опера және балет театры­ болмақ. Екі­ жыл ілгеріде құрылысы басталған өнер ордасы­ның Орталық Азияда­ теңдесі жоқ. Кешегі жыл­дың жазында Елбасы­ Нұрсұлтан Назарбаев осы ны­сан­ның жұмысымен танысып, театрдың қазақ мә­де­ниетіне­ үлкен леп әкелетінін әңгімелегені есі­мізде. Айтқандай-ақ, құрылысының сексен пайызы тәмамдалған зәулім сарайдың көз жұт­қан­ кереметтігі өнерімізді өрге сүйрейтініне кү­мән қалдырмайды.

Жаңа театрдың ғимараты классикалық элли­низм,­ маньеризм және барокко үлгісінде салы­ну­­­да.­ Жо­ба­ ав­тор­ла­ры­ ежел­гі­ грек­-рим­ жә­не­ қа­­­зақ­­тың­ ұлт­тық­ сәу­лет өнерін үйлестіруге ты­­­­рыс­қан. Көрермен залы 1250 адамға есептел­ген.­ Партердің сыйымдылығы – 450 орын. Он­да ита­лия­лық стиль барынша байқалады. Ор­та­лық сахнаның ауданы – 935 шаршы метр, биік­тігі – 38 метр. Оның жанында екі қаптал жә­не арьерсцена, көркемдік-қойылым бөлімі ор­налас­қан.­ Арьер­сце­намен шеберхана және бір­қа­­тар арнайы цехтар жалғасқан, олардың көмегімен театр өзі декорациялар құра алады. Таға пішінді көрермен залы төрт төменгі қабат орындарынан, бес балконнан тұрады. Көлемі, жабдықталуы жағынан театр сахнасында маңызды әлемдік опера, балет және концерттер қою, қабылдау мүмкіндігі бар.

Оркестрдің 550 шаршы метрді алып жатқан үлкен дайындық залы бүкіл оркестр мен хорды сыйдыра алады. Дайындық үшін биіктігі 6,5 метр екі үлкен зал, биіктігі 5 метр алты шағын зал және әрқайсысы 20 шаршы метр болатын он бір қосымша шағын зал қарастырылған. Ша­ма­мен, саны 90 адамға жетіп жығылатын хор мен балет труппасы үшін арнайы дайындық зал­дары бар. Vip-әртістер үшін сегіз бөлме жаб­дық­тал­ған. Театр ең заманауи сахналық және жарық құрылғыларымен жарақтандырылған, көтергіштер 50 тоннаға дейін көтере алады. Ғимаратта, сонымен қатар, 250 орындық камералық музыка залы, мейрамхана, асхана бар. Сондай-ақ, жас бишілерді оқыту үшін балет студиясы құрылатын болады. 326 орынға ар­нал­ған жерүсті автотұрағы мен 92 орындық жер­ас­ты паркингі қарастырылған. Театр Тұран даң­ғы­лы және Дінмұхаммед Қонаев көшесінің қиы­л­ысында қоныс тепкен. Опера және балет театрының жобалық шешімі халықаралық дең­гей­ге сәйкестендірілген және әлемдік құры­лыс тәжірибесі ескерілген. Құрылыстың жалпы ау­ма­ғы 64 мың шаршы метрді қамтиды.

Мамандардың айтуынша, қазір құрылысшылар іш­кі және сыртқы әрлеу жұмыстарымен айналы­су­да. Пайдаланылған ағаштар мен тастар да әлем­­­­нің­ жер-жерінен жеткізіліпті. Табал­ды­рық­тан­­ төбеге дейін қашалып оюлан­ған мәрмәр тас қа­лан­­ған. Акустикасымен алма­ния­лық­ мамандар айна­лысқан.

Театрдың баспасөз қызметкері Екатерина Романова шетел мамандары бұл өнер сарайын әлемнің ең беделді деген театрларымен салыс­тыратынын айтады. «Әртістер ерте көктемнен дайындық жұмыстарын бастамақ. Жаз айынан бастап бізге гастрольдік сапармен әлемнің түк­пір­-түкпірінен опера жұлдыздары келеді. Олармен қазірден бастап келісім жүргізілуде» дейді ол.

«Астана-Опера» мемлекеттік театры дүние­жү­з­інде сыйымдылығы жағынан төртінші орында тұр екен. Айталық, Италиядағы «Ла-скала» опера театры 3600 адамға шақталған. Рим опера театры – 2200 орындық, Париждегі «Гарнье» театрының концерт залында 1900 көрермен ер­кін­ отырады. Ал, елордадағы классикалық опера және балет театры 1500 орынды қамтиды. Театр өкіл­дерінің айтуынша, мұнда өнер ұжымына да­ көп мән беріледі. Олардың өз өнерлерін көр­ер­мен­деріне паш етуге барлық мүмкіндік жасалмақ. Театр жанынан ашылатын балет студиясына жет­кін­шектерімізді оқытуға шетелден арнаулы ма­ман­дар шақырылады. Түркі халқының мәдени ор­дасына айналған Астана енді әлемдегі ең ірі клас­сикалық театры бар шаһар ретінде танымал болады.

Өнер ордасының ең үлкен ерекшелігі – дресс-код, яғни, киім үлгісіне қатаң тыйым салынады. Мәселен, көрермен театрға шалбармен келген жағ­дайда киім ілгіш жанынан оған кешкі көйлек бер­іледі. Айта кетерлігі, Жобаны «IT Engineering S.A.» швейцариялық компаниясының филиалы әзір­леген, мердігер – «B&A Contractors S.A» фир­масы.

Асхат РАЙҚҰЛ

Пікір жазу

Почтаңыз жарияланбайды

2 × 3 =