Täwlik sayın qanşa sw qoldanamız?

0 15

Astana sw arnası» MKK ortalığı zerthanasınıñ bastığı Wäsïla Äwezova elordalıqtardıñ täwligine qanşa tonna sw qoldanatının ayttı. Onıñ aytwınşa, astanalıqtar täwligine 280 tonna sw paydalanadı. Sonımen qatar ol halıqaralıq standart boyınşa akkredïtacïyadan ötken zerthana tek elorda ğana emes, basqa da öñirlerdiñ swına taldaw jasawğa qawqarlı ekenin atap ötti.«Zerthana japon men nemistiñ zamanawï tehnologïyalarımen jabdıqtalğan. Mamandar qalağa berilip jatqan swdıñ quramına taldaw jasap, mïkrobïologïyalıq, vïrwsologïyalıq, hïmïyalıq quramdarın, sapasın tipti är sağat sayın tekserip otıradı» dedi zerthana bastığı. «Esil özeniniñ joğarı jağınan keletin sw men «Astana» sw qoymasınıñ jäne jañbırdıñ, qardıñ swı qosılıp, «Astana sw arnasınıñ» sw qoyması tolıqtırılıp otıradı. Tek 2013 jılı ğana qalada swdıñ tapşılığı boldı. Odan beri jañbır da, qar da köp jawdı. Büginde sw qorı jetkilikti. 450 mln tekşe metrdi quraytın käsiporınnıñ sw qoyması qazirgi waqıtta tolıp tur. Sw mölşeri köp jumsalatın waqıt – mamır, mawsım, şilde ayları. Bul waqıtta jekemenşik sektorlardağı üyler baw-baqşaların swaradı, kölik jww orındarı da swdı köp qoldanadı. Sol kezde öte köp mölşerde ketetindikten, bizdegi eki sw sorğış ta 100 payız jumıs isteydi. Qalağa beriletin swdıñ bäri sw sorğıştar arqılı ötetindikten, köktem-jaz aylarında elektr energïyası da köp jumsaladı. Bul üderis 15 tamızdan keyin ğana biraz sayabırlaydı. Al qıstıñ künderi qordağı sw da, elektr energïyası da birşama ünemdeledi.

Pikir jazw

Poçtañız jarïyalanbaydı

8 + ten =