تاۋلىك سايىن قانشا سۋ قولدانامىز؟

0 15

استانا سۋ ارناسى» مكك ورتالىعى زەرتحاناسىنىڭ باستىعى ءۋاسيلا اۋەزوۆا ەلوردالىقتاردىڭ تاۋلىگىنە قانشا توننا سۋ قولداناتىنىن ايتتى. ونىڭ ايتۋىنشا، استانالىقتار تاۋلىگىنە 280 توننا سۋ پايدالانادى. سونىمەن قاتار ول حالىقارالىق ستاندارت بويىنشا اككرەديتاتسيادان وتكەن زەرتحانا تەك ەلوردا عانا ەمەس، باسقا دا وڭىرلەردىڭ سۋىنا تالداۋ جاساۋعا قاۋقارلى ەكەنىن اتاپ ءوتتى.«زەرتحانا جاپون مەن نەمىستىڭ زاماناۋي تەحنولوگيالارىمەن جابدىقتالعان. ماماندار قالاعا بەرىلىپ جاتقان سۋدىڭ قۇرامىنا تالداۋ جاساپ، ميكروبيولوگيالىق، ۆيرۋسولوگيالىق، حيميالىق قۇرامدارىن، ساپاسىن ءتىپتى ءار ساعات سايىن تەكسەرىپ وتىرادى» دەدى زەرتحانا باستىعى. «ەسىل وزەنىنىڭ جوعارى جاعىنان كەلەتىن سۋ مەن «استانا» سۋ قويماسىنىڭ جانە جاڭبىردىڭ، قاردىڭ سۋى قوسىلىپ، «استانا سۋ ارناسىنىڭ» سۋ قويماسى تولىقتىرىلىپ وتىرادى. تەك 2013 جىلى عانا قالادا سۋدىڭ تاپشىلىعى بولدى. ودان بەرى جاڭبىر دا، قار دا كوپ جاۋدى. بۇگىندە سۋ قورى جەتكىلىكتى. 450 ملن تەكشە مەتردى قۇرايتىن كاسىپورىننىڭ سۋ قويماسى قازىرگى ۋاقىتتا تولىپ تۇر. سۋ مولشەرى كوپ جۇمسالاتىن ۋاقىت – مامىر، ماۋسىم، شىلدە ايلارى. بۇل ۋاقىتتا جەكەمەنشىك سەكتورلارداعى ۇيلەر باۋ-باقشالارىن سۋارادى، كولىك جۋ ورىندارى دا سۋدى كوپ قولدانادى. سول كەزدە وتە كوپ مولشەردە كەتەتىندىكتەن، بىزدەگى ەكى سۋ سورعىش تا 100 پايىز جۇمىس ىستەيدى. قالاعا بەرىلەتىن سۋدىڭ ءبارى سۋ سورعىشتار ارقىلى وتەتىندىكتەن، كوكتەم-جاز ايلارىندا ەلەكتر ەنەرگياسى دا كوپ جۇمسالادى. بۇل ۇدەرىس 15 تامىزدان كەيىن عانا ءبىراز سايابىرلايدى. ال قىستىڭ كۇندەرى قورداعى سۋ دا، ەلەكتر ەنەرگياسى دا ءبىرشاما ۇنەمدەلەدى.

پىكىر جازۋ

پوچتاڭىز جاريالانبايدى

17 + fifteen =