TATWLIQ TOYINIÑ ÄN-TARTWI

0 117

Türkitildes elderdiñ önerli jastarı elordada bas qostı. Mereke küni Qazaq eli monwmentiniñ aldında «Astana – jastardıñ jır mekeni» attı gala-koncert ötti.

Keş tizginin qazaqstandıq belgili jas ärtister Änwar Nurpeyisov, Rïta Kümisqalïeva, äzerbayjandıq änşi El'dar Gasımov, Qırğızstannan kelgen änşi qız Qanıkey, özbekstandıq önerpaz Ulıqbek Ïsakovtar ustadı.

Bïıl Astananıñ abıroyı artıp, türki jurtınıñ ortalığı atanğanı barşağa mälim. Sondıqtan, jürgizwşiler bul koncertti bir twğan bawırlas halıqtar dostığın äspetteytin şaralardıñ biri dep atap ötti. Şara sahnalandırılğan qoyılımmen aşıldı. Türki elderiniñ eñ üzdik dep tanılğan 40-qa jwıq än-jırı orındaldı.

«Türki elderiniñ sulwları» attı arnayı jobanıñ ayasında Qazaqstan, Äzirbayjan jäne Özbekstan elderiniñ talanttı jas dïzaynerleriniñ eñbekteri körsetildi. Roza Rımbaeva, Mansur Taşmatov, Rïnat Ïbragïmov sındı tanımal änşilerdiñ qosıla şırqağan änderi halıqtıñ ıstıq ıqılasına bölendi.

«Ewrovïdenïe-2011» jeñimpazı, äzerbayjandıq El'dar Gasımov, qazaqstandıq Älişer Kärimov, Dïmaş Qudaybergen, özbekstandıq Sevara Nazarhan, reseylik Stas P'eha salğan änderdi jastar jağı jılı qabıldadı.

Dostıq qarım-qatınastı bärinen joğarı qoyu – barşa şığıs halıqtarına ortaq qağïda. Bul jurttıñ jattı jaqın ete biletin qasïeti tağı bar. Astana toyına arnayı kelgen önerpazdar osılay deydi. Qazaq elordasınıñ büginde türkitildes halıqtardıñ astanasına aynalwınıñ ülken märtebe ekendigin de aytadı.

Gala-koncerttiñ soñı merekelik otşaşwğa ulastı.

Şınar DOSAN

Pikir jazw

Poçtañız jarïyalanbaydı

seven − 2 =