«Астана ақшамы»
Ел жүрегі – елорда шежіресі

Тарихта қалған тұлға

Сурет сыры

0 179

Әзербайжан Республикасының президенті болған әлемдік деңгейдегі саясаткерлердің бірі, марқұм Гейдар Әлиевті халқымыз жақсы біледі. Көрнекті қайраткер көзі тірісінде Елбасы Нұрсұлтан Назарбаев­пен жақын сыйласыпты. Оны бізге мемлекет және қоғам қайраткері Жәнібек Кәрібжанов айтып берді. Ендеше Жәнібек ағаны тыңдайық.

– 1998 жылы Гейдар Әлиев жетпіс бес жасқа толып, Елбасы атынан қазақстандық делегацияны бастап бардым. Салтанатты шараға Өзбекстан, Тәжікстан, Украина елдерінің президенттері мен
Ресейден Виктор Черномыр­дин келді. Гейдар Әлиев біздің делегацияны жылы шыраймен қабылдап, ешқандай қа­ғазға қарамай қырық минут сөйлесті. Бұған мен таңғалып отырдым. Кездесуде екі мемлекет арасындағы достық, сауда және экономикалық қарым-қатынастар туралы әңгімеледі. «Каспий теңізі бізді бөлмейді, қайта қосады» дей келіп, Қазақстанның теңізді бөлуге байланысты олардың айтқан пікірін қолдағанымыз­ға алғысын жеткізді. Біздің елімізге деген ықыласы да керемет. Тарихты да жақсы біледі. Әзербайжанда «Қазақ» деген аймақ бар екен. Соның тарихын айтып берді. X ғасырда түрік-қыпшақтар мен әзербайжандар татар-­моңғолдарға қарсы бірге соғысыпты. «Қазақ» деген атау содан қалған дейді. Мерейтой жоғары деңгейде өтті. Қазақы жолмен Әзербайжан басшысына шапан жаптым. Ол кісі оған риза болып, қазақ халқына сәлемін жолдады, – деп сөзін қорытқан Жәнібек аға Гейдар Әлиевті тарихта өз орнын мәңгіге қашап қалдырған тұлғалардың бір деп бағалады.

Пікір жазу

Почтаңыз жарияланбайды