ТАЛАПҚА САЙ ТАЛПЫНЫС

0 114

Елбасы «Қазақстан-2050» Стратегиясы: қалыптасқан мемлекеттің жаңа саяси бағыты» атты Жолдауында: «Ескірген немесе сұраныс жоқ ғылыми және білім пәндерінен арылу, сонымен бірге, сұраныс көп және болашағы бар бағыттарды күшейту қажет» деп атап өтті. Бұл орайда, екі мақсат алға қойылып отыр: инновациялық үдеріске ғылымның тікелей қосылуын қамтамасыз ету, сол негіздегі зерттеулерді халықаралық деңгейге шығару.

Маңызды жобаларды қолдау және қар­жы­лан­ды­ру,­ жас дарынды азаматтарды ғылымға тарту –«Ғылым қоры» АҚ-ның басты бағыттарының бірі. Осы мақсатты жүйелі жүзеге асыру үшін «Тәуелсіз Қазақстандағы бала құқығы» атты зияткерлік сайысына қатысқан жә­не­ «Үнемді көлік» тақырыбына ұсы­ныл­ған­ ғылыми жұмыстарға сарапта­ма­ жүргізіп, жүзден жүйрік шыққан озат­тар­ға сый-сияпат жасадық.

Мектеп оқушыларының арнаулы пән бойынша ғылым жұмысымен шұ­ғыл­да­нуы үшін барлық жағдай жаса­луы­ тиіс. Өйткені, сапалы зерттеу жұмысы қай кезде де сұранысқа ие. Атал­ған тақырыпты терең талдау үшін біз­дің ұжым қызметкерлері Астана, Ал­маты, Тараз, Қарағанды, Степногорск, Ақтөбе қалаларындағы мектеп оқу­шыларына арнайы конференция өт­кізді. Жалпы, ғылым жұмысымен ай­налысам дегендерге мүмкіндігінше қол­дау көрсетіледі. Тек, сіздің еңбегіңіз еліміз үшін пайдасы болуы қажет.
2012 жылы мемлекет тарапынан ғы­лым саласын жақсартуға байланыс­ты­ 42 миллиард теңгеден астам қар­жы бөлінген. Бұл алдыңғы үш жыл­дың орташа көрсеткішінен екі есе артық. «Ғы­лым туралы» заңның қа­был­да­ну­ы­мен ғалымдарымыздың да мәр­те­бесі өсті.

Жаһандық дағдарыс толыққанды ауыздықталмай тұрған кезеңде еліміздің ғылым саласына мұншалықты көңіл бөлуі жайдан-жай емес. Себебі, білім мен ғылымға салған инвестицияның қайтарымы мол болады.

Сымбат БЕШИМБАЕВА,
«Ғылым қоры» АҚ менеджері

Пікір жазу

Почтаңыз жарияланбайды

10 + 4 =