Tabısın joğaltqandarğa ötemaqı beriledi

0 25

Astanalıqtardı jumıspen qamtw üşin arnayı ştab qurıldı. Bul twralı elorda äkimdiginde ötken onlayn baspasöz mäslïhatında Jumıspen qamtw jäne älewmettik qorğaw basqarmasınıñ basşısı Säwle Nurğojïna mälim etti.Ağımdağı jıldıñ 23 nawrızınan bastap Tötenşe jağday jönindegi memlekettik komïssïyanıñ şeşimimen büginde jumısın joğaltqan jandarğa Ükimet bir aylıq eñbekaqı mölşerinde tölem jasawdı mindetine aldı. Munday tölem tek resmï jumıs istegen azamattarğa ğana tïesili. Sonday-aq tötenşe jağdayğa baylanıstı Eñbek jäne halıqtı älewmettik qorğaw mïnïstrligi jaña ereje bekitti.
– Älewmettik tölemderdi şağın jäne orta käsip, jeke käsipkerlik, sonday-aq jumısı waqıtşa toqtatılğan swb'ek­tilerde jumıs isteytin qızmetkerler ala aladı. Degenmen eñ bastı talabı – memlekettik saqtandırw qorına tötenşe jağday rejïmi engizilgenge deyingi soñğı 12 aydıñ işinde kem degende 3 ay boyı tölemder jasağan bolwı tïis. Jumıs berwşi elektrondı ötiniş arqılı elektrondı ükimetke habarlama bere aladı. Qujattardı skan formatında elektrondı qol qoyğan küyinde jiberw qajet, – deydi Säwle Nurğojïna.
Älewmettik tölemdi orta jäne şağın bïznes swb'ektilerinde jumıs isteytinder, jumısı toqtap qalğan jeke käsipkerler ala aladı. Al aqısız demalısqa şıqqan qızmetkerge ötemaqını MÄSQ (Memlekettik älewmettik saqtandırw qorı) töleydi. Älewmettik tölemdi alwşılarğa SMS-habarlama jiberiledi.
– Qazirgi küni Jumıspen qamtw ştabında 72 ötiniş qaralıp jatır. Onıñ işinde 15 ötiniş boyınşa oñ şeşim şığarıldı, şeşim qabıldanwı üşin äri qaray memlekettik korporacïya­ğa jiberildi. Tölemder kelesi aptadan bastap beriletin boladı. Bir qızmetkerdiñ ötinişi qanağattandırılmadı. Ştab jedel rejïmde jumıs isteydi. Kez kelgen sawalğa onlayn konswl'tacïya arqılı nemese 55-14-87, 55-01-74, 55-69-59, 55-67-12 telefon nömirleri arqılı, sol sïyaqtı basqarmanıñ älewmettik jelileri arqılı jawap alwğa boladı.

Pikir jazw

Poçtañız jarïyalanbaydı

17 − 10 =