©2020 Астана Ақшамы
«Ұлы дала қырандары» қоғамдық бірлестігінен президенттікке үміткер Сәдібек Түгел мемлекеттік тілден емтиханды жақсы тапсырды. Бұл туралы Орталық сайлау комиссиясында өткен брифингте лингвистикалық комиссияның мүшесі Ғарифолла Есім хабарлады.
– Президенттікке үміткер Сәдібек Түгел емтихан тапсырды. Ол үш кезеңдегі тапсырмаларға тиянақты жауап берді. Алғашқы кезеңде «ТМД-ның бүгіні мен келешегі» атты тақырыпта шығарма жазды. Пунктуациялық ескерту ғана жасалды. Шығарма өте сәтті жазылған. Екінші кезеңде жазушы Әбіш Кекілбайұлының «Дала балладасы» шығармасын мәнерлеп оқып берді. Үшінші сынақ – 15 минуттық еркін әңгімелеу. Ол өзінің ата-бабалары туралы тақырыпты таңдап алды. Бұл жолы да комиссия мүшелері С.Түгелдің сөйлеу қабілетіне ризалық танытты. Сөйтіп, үміткер берілген тапсырмалардың бәрін ойдағыдай орындап, мемлекеттік тілді еркін, толық меңгергендігін дәлелдеді, – деді Ғарифолла Есім. Сәдібек Түгел берілген тапсырмаларды орындауға екі сағат уақыт жұмсаған.
