Сталинград шайқасына – 70 жыл

0 171

Сталинград түбіндегі шайқастың жеңіспен аяқталғанына 70 жыл толды. Бұл күні 6-шы фашистік армия талқандалып, 6 айдан астам уақыт бойы қоршауда болған Сталинград қаласында тыныштық орнады. Оған қазақстандықтардың да қосқан үлесі мол. Осыған орай, кеше «Ардагерлер ұйымы» республикалық қоғамдық бірлестігінің Астана қалалық филиалы дөңгелек үстел мәжілісін ұйымдастырды. Оған қатысушылар майдангерлердің өшпес ерліктерін еске алды. Осындай жиын Ресей Фе­­­дерациясы елшілігінің ұйым­дас­ты­руымен Ресейдің ғылым және мәдениет орталығында да өтті. Та­ғы­лымды шараға жиырма үш қарт сар­баз қатысты. Қазақстандағы РФ тө­тенше және өкілетті елшісі Михаил Бочарников, Астана қаласы ардагерлер кеңесінің төрағасы Бекен Әлімжанов ардагерлерге алғыс білдірді.

Сталинград шайқасына қатысқан адамдардың саны біршама. Солар­дың бірі – 89 жастағы жерлесіміз Бар­лыбай Тәбешов. Ардагер Ста­лин­град шайқасы кезінде көрген сұм­дықтарды санамнан әлі өшіріп тастай алмаймын дейді. Қария жұрт­шы­лық­қа­ өз естеліктерін айтып берді.

Сондай-ақ, алқалы басқосуға жи­налғандар арнайы ұйымдас­ты­рыл­ған фотокөрмені, «Сталинград шайқасы» атты деректі фильмді тамашалады. Соғыс жылдарының әндері шырқалып, гүл шоқтары та­быс­ етілді. Шара соңында ардагер­лер­ге жауынгерлік түскі ас берілді.

Тура 200 тәулік бойы кес­кі­лескен ұрыстарда жауға бе­ріл­меген Сталинград қала­сын қорғауға 70 мыңнан ар­тық қазақстандық жауынгер қа­тысыпты. Стратегиялық маңызды қа­ланың түбіндегі қанды қырғын ҰОС жылдарындағы ең ірі ұрыс ретінде тарихта қалды.

Е.СӘТІМБЕК

Пікір жазу

Почтаңыз жарияланбайды

ten − 1 =