Скринингтік тексеру аурудың алдын алады

0 235

Алтыншаш ТАБУЛДИНА, Астана қаласы Денсаулық сақтау басқармасының алғашқы санитарлық-медициналық жәрдем көрсету қызметінің штаттан тыс маманы – № 5 қалалық емхананың бас дәрігері

– Алтыншаш Жұмашқызы, скри­­­­нинг­тік зерттеулер қандай қа­­­­жет­тіліктен туындады?

– Денсаулық сақтауды дамытудың 2011-2015 жылдарға арналған «Саламатты Қазақстан» мемлекеттік бағдарламасы шеңберінде қала емханаларында скринингтік зерттеулер жүргізу қолға алынды. Мақсаты – ауруды ерте кезеңде анықтау және алдын алу.

– Зерттеу нәтижесі қандай?

– Нәтижесінде жүрек-қан та­мыр­лары, онкологиялық, туа па­й­да болған патологиялық ауру­лар­­­­ ерте анықталады. Сон­дық­­­тан, әр қалалық емханада скри­нингтік қабинеттер жұмыс істейді. Профилактикалық және әлеуметтік-психологиялық кө­мек­ бөлімшелері құрамында мұн­дай зерт­­теуді жоғары білімді меди­ци­­­налық қызметкерлер жүзеге асы­­­рады.

– Өткен жылғы тексерудің қорытын­ды­сы­ қалай болды?

– 2012 жылы скринингтік зерттеу­лер­мен 417 926 адам қамтылды. Зерт­теу кезінде 3046 – обыр алды жағ­дайы, 35 – сүт бездері обыры, 1124 – жатыр мойны патологиясы, 231– қант диабеті, 84 – глаукома, 3829 – қан айналым жүйесінің аурулары, 6 – туа біткен және тұқым қуалайтын есту патологиясы, 778 «В»және «С» бауырдың қабынуы аурулары анықталды. Науқастарды әрі қарай бақылау мен сауықтыру үшін арнайы «Д» есебіне алдық.

– Жыл сайын жүргізілетін зерттеудің басқа қандай тиім­ді­лі­гі бар?

– Скринингтік бағдарлама тізім­де­месіне қосылған аурулар спектрі өте ауқымды. Сондықтан, тегін өту кезінде халықтың белсенділік таныт­қа­нын қалаймыз.

– Биыл қандай ауру түрлері зерт­теледі?

– Алдағы уақытта өңеш пен­ асқазан, бауыр обырларын ер­те кезеңде анықтау скринингі өт­­кізіледі. Сонымен қатар, арте­­­­риялық гипертензия және жү­рек­тің шаншыма ауруларын ерте анықтауда холестерин мен қан глюкозасын анықтау жолымен табу, артериалдық гипертония, жүректің шаншуларымен және қант диабетімен диспансерлік есепте тұрмайтын 25, 30, 35, 40 жастағы, 40-тан 64-ке дейінгі жастағы ерлер мен әйелдер және әртүрлі жастағы азаматтар тексеріледі. Кез келген адам жасына сәйкес өзінің емханасына барып, тегін тексеруден өте алады.

– Рахмет!

Ербол ЖАНАТ

 

Пікір жазу

Почтаңыз жарияланбайды

18 + 19 =