شىعىستىڭ شىرايىن تانىتقان شارا

0 138

ناۋرىز مەرەكەسىنە ارنالعان مەرەكەلىك شاراعا شىعىسقازاقستاندىق دەلەگاتسيا ەرەكشە دايىندىقپەن كەلگەنگە ۇقسايدى. الاڭنىڭ قاق ورتاسىنا تىگىلگەن اقشاڭقان ءۇي وزگە وڭىرلەردىكىنەن وزگەشەلەۋ كورىندى.

ەڭسەسى بيىك ءۇيدىڭ تابالدىرىعىنان كوپپەن بىرگە ءبىز دە اتتادىق. «ءور التايدىڭ اۋىلى» اتتى بۇل شاڭىراققا شىعىستان شىققان ونەردىڭ كىل قايماقتارى جينالىپتى. التى قانات اق بوز ۇيدىڭ ىشى ءان-جىرمەن كومكەرىلىپ، ۇلتتىق ۇردىستەر كورسەتىلدى. «ايشا ءبيبى» اجەلەر ءانسامبلى شىرقاعان حالىق اندەرى اۋەلەپ، تىڭداعان جاننىڭ قۇلاق قۇرىشىن قاندىردى.

ەڭ قىزىعى، اق بوز ءۇيدىڭ ءىشى سوناۋ اباي زامانىنداعى زاتتارمەن جابدىقتالىپتى. تىپتى، اراسىندا قۇنانبايدىڭ، ابايدىڭ تۇتىنعان بۇيىمدارى دا بار. ماسەلەن، ورىس كوپەسىنىڭ اقىنعا تارتۋ ەتكەن ەر توقىمى، قۇنانبايدىڭ قۇمانى، شاكارىمنىڭ نارقوبىزى سەكىلدى قۇندى دۇنيەلەردى حالىق كوزىمەن كورىپ، قولىمەن ۇستاۋعا مۇمكىندىك الدى. ۇيىمداستىرۋشىلار مۇراجايدا ساقتالىپ كەلگەن بۇل زاتتاردى ەلوردا جۇرتشىلىعى كورسىن، تانىسسىن دەگەن نيەتپەن ارنايى الىپ كەلگەندىكتەرىن ايتادى.

بۇدان وزگە شىعىستان كەلگەن قولونەر، اۋىلشارۋاشىلىق ونىمدەرى دە حالىق يگىلىگىنە ۇسىنىلدى.

شىنار دوسان

پىكىر جازۋ

پوچتاڭىز جاريالانبايدى

three × 5 =