«شۋاقتى قالادا» شۇرقىراسىپ تابىستى

0 117

استانا كۇنى

«بولعانىنان بولادىسى قىزىق توي» وسىلاي كوزدى اشىپ-جۇمعانشا وتە شىقتى. استانا حالقى تاعى ءبىر مەيرامدى قيماستىقپەن شىعارىپ سالىپ، قىم-قۋىت تىرلىگىنە قايتادان باس قويدى.

وسى ورايدا 5, 6, 7 شىلدە كۇندەرى «قازاق ەلى» مونۋمەنتى الدىنداعى الاڭدا بۇقارالىق سەرۋەن ءوتىپ، «شۋاقتى قالا» وتباسىلىق فەستيۆالى ۇيىمداستىرىلعان ەدى.

دەرەكتەرگە سەنسەك، فەستيۆالگە العاشقى كۇننىڭ وزىندە 800-گە جۋىق بالا قاتىسىپتى. بارلىعى دەرلىك تۇرمىسى تومەن جانە كوپبالالى وتباسىلاردىڭ مۇشەلەرى. ولار الاڭدا شەڭبەر جاساپ، ەلدەگى بىرلىك پەن تاتۋ تىرلىكتىڭ كورىنىسىن كورسەتتى. ءىس-شارانىڭ سوڭى مەرەكەلىك كونتسەرتكە ۇلاسىپ، بۇلدىرشىندەر ەۋروپالىق «شاپيتو» تسيركىنىڭ قويىلىمدارىن تاماشالادى. سونداي-اق، ەلىمىزدىڭ ءتورت بۇرىشىنان جەتكەن جاس ونەرپازدار – انشىلەر، كۇيشىلەر جانە ءبيشى قىزدار ساحنانىڭ سانىنە اينالدى.
اۋماق بارلىق جاس شاماسىنداعى ادامداردىڭ قىزىعۋشىلىقتارىنا قاراي 16 الاڭعا بولىنگەن. ونىڭ ارقايسىسى ءوز الدىنا بولەك بەزەن­دىرىلگەن جەكە كەڭىستىك، جەكە الەم. مىسالى، بالالارعا ارنالعان ويىن-ساۋىق الاڭدارىندا بي، كوركەمونەر سايىسى، قولدانبالى ونەر تۇرىنەن شەبەرلىك ساعاتتارى وتكىزىلدى. بۇل جاس جەتكىنشەكتەردىڭ رۋحاني بايلىعىن ودان ءارى دامىتىپ، ەلىمىزدىڭ ەستى ازاماتى بولىپ وسۋىنە وڭ ىقپال ەتەدى. سونداي-اق، كەلەسى الاڭدا ەرەسەكتەرگە ارنالعان سان ءتۇرلى سپورتتىق ويىن-ساۋىق باعدارلامالارى ۇيىم­داستىرىلدى. قاپپەن سەكىرۋ، ءۇش دوڭگە­لەكتى ۆەلوسيپەدپەن جارىس، سۋمو جەكپە-جەگى، الىپ شاحماتتا ويناۋ جانە ت.ب. كوپتەگەن قىزىقتى شارالار مەرەكەگە قاتىسۋشى جۇرتشىلىقتىڭ كوڭىلىنەن شىعا ءبىلدى.

سولاردىڭ ءبىرى – «بامپەر بول» ويىنى. ۇيىمداستىرۋشىلاردىڭ ايتۋىنشا، سپورتتىڭ بۇل ءتۇرى ءبىزدىڭ ەلىمىزدە تۇڭعىش رەت وتكىزىلىپ وتىر. ويىنعا قاتىسۋشىلار ارنايى سفەرالاردى كيىپ الىپ، قارسىلاسىنىڭ قاقپاسىنا دوپ سوعۋعا تىرىسادى. قازىرگى ۋاقىتتا فۋتبولدىڭ وسىنداي ەرەكشە ءتۇرى كوپتەگەن شەت مەملەكەتتەرىن باعىندىرىپ ۇلگەردى. ەرەكشە فۋتبولدىڭ ءبىرىنشى ماتچى 2011 جىلدىڭ سوڭىندا نورۆەگيادا وتكەن بولاتىن. سودان بەرى اتتراكتسيون حالىق اراسىندا كەڭىنەن تانىمال.

سونىمەن قاتار، اۋقىمدى ءىس-شارالار اياسىندا «شەبەرلەر قالاسى» الاڭىندا قولدانبالى ونەر شەبەرلەرىنىڭ جەكە جۇمىستارى كوپشىلىك نازارىنا ۇسىنىلسا، سۋرەتشىلەر تويشى قاۋىمنىڭ پور­ترەتتەرىن سالدى.

نۇريسلام قۇسپانعالي

پىكىر جازۋ

پوچتاڭىز جاريالانبايدى

13 − 11 =