ŞETELDİK DÄRİGERLERDİÑ ŞEBERLİK DÄRİSİ

0 139

pedïatrïya sapasın arttırw

Astana qalası äkimdigi men qalalıq Densawlıq saqtaw basqarmasınıñ bastamasımen därigerlerdiñ biliktiligin köterw, pedïatrïya sapasın arttırw üşin jaña bağdarlama qolğa alınğalı biraz boldı. Keşe №2 qalalıq balalar awrwhanasında osı şara ayasında şaqırılğan şeteldik professorlardıñ şeberlik däristeri ötti.

Francïyanıñ Sofïya Antïpolïs medïcïna wnïversïtetiniñ professorları – P'er-Martï men Etïen Berard parazïtologïya jäne mïkologïya salasınıñ aldıñğı qatarlı mamandarı bolıp sanaladı. Olar eki kün boyına balalardı emdewdiñ ädistemesin jetildirw jäne bala emdew ürdisinde ïn­novacïyalıq täsilderdi qoldanw turğısındağı bilimderimen bö­listi. Sonımen qatar, ewropalıq professorlar türli patologïyası bar nawqas säbïlerdi qabıldap, qajetti keñester berdi.

– Munday kezdeswler pedïatr­­larımızdıñ bilik­tigin köterip qoymay, ewropa­lıq klïnï­ka­lar­dıñ ozıq täjrï­besi­men de ta­nıswğa mümkindik beredi. Al osı salanıñ üzdik doktorlarınıñ özderi kelip, em-şaralarımızğa jañalıq­tarın engizwi qızmeti­mizdiñ sapasın halıq­aralıq deñgeyge jetkizwge jol aşadı, – dedi awrwhananıñ bas däri­ge­riniñ orınbasarı Sayran Jamuqova.

Jalpı, elordanıñ mañdayaldı emdew mekemeleriniñ biri sana­latın atalmış awrwhanada şeteldik äriptestermen baylanıs jaqsı jolğa qoyılğan. Däl osı künderi sal awrwınan zardap şegetin balalarğa kömek körsetw maqsatında, Dwbaydıñ «Dr. Majdi El Halik Pediatric and Mental Reabilitation Centre» klïnïkasınan bir top däriger-fïzïoterapevt mamandar kelip jatır eken. Olar sal awrwına şaldıqqan balalardı oñaltwdıñ em-şaraların körsetip, därigerlik keñes berwde. Ayta keterligi, bul şaralar «Qasïetti jol» qoğamdıq qayırımdılıq qorınıñ qoldawımen uyım­das­tırılğan.

Aygül WAYSOVA

Pikir jazw

Poçtañız jarïyalanbaydı

17 + fifteen =