Шаңғышы бүлдіршін

0 134

Астана қаласында бүкіләлемдік қар күніне орай қалалық шаңғышылар сайысы өтті.

Орталық паркте өткен шаңғы­шы­лар жарысына атақты Влади­мир Смирнов арнайы ат басын бұрыпты. 4 дүркін әлем чем­пио­ны әрі ақ олимпиада чем­пио­ны атанған Владимир Михайлович жеңім­паздарды марапаттау рәсімі­не қатысып, шаңғышы бөбек­терге зор қуаныш сыйлады.

Жарыс 2000-2001 жылдары туыл­ған ұл-қыздар арасында 500 метр қашықтықта, 2002-2003 жылғылар үшін 300 метр қашықтықта, 2004-тен кейінгілер арасында 100 метр қашықтықта масс-стартпен басталып, «еркін жүру» стилі бойынша өтті.

Жарыстың ең қызықты сәті 6 жасқа дейінгі шаңғышылар ара­сында болды. Кішкентай шаң­ғышы бөбегіміз Томирис Иман­қажының бірінші келе жатқанын көрген жұрт шулап қоя берді. Томириске бәрі дем беріп, ақыры ол мәре сызығын бірінші болып кес­ті. Владимир Смирновтың қо­лы­нан мақтау қағазын алған ол сол кісі сияқты олимпиада чем­­пио­ны болғысы келетінін жасырмады.

Томирис 56 мектеп-лицейінің бапкері Дулат Иманқажының шәкірті әрі қызы болып шықты. Дулат ағамыз Астаналықтар үшін тегін бапкерлікпен айналысып жүр. Оның көксегені – қазақ жастарының шаңғы спортын меңгеруі болып жүргендігін білеміз. Сонымен қатар, бапкердің бұл додада Тәліпхан Сәбина және Жанпейісова Назым есімді шәкірттері де өз қатарластары арасында ІІІ орынды иеленді.

Ербол ЖАНАТ

Пікір жазу

Почтаңыз жарияланбайды

3 + one =