Şäkirtter swdıñ sapasın zerttedi

0 83

№59 mektep-lïceydiñ 4-sınıp oqwşıları Alwa Isqaq pen Zarïna İlïyas elordadağı awız swdıñ sapasın zerttep, osı taqırıpta ğılımï joba jazdı.Bastawış sınıp muğalimi Aysulw ­Qırtanovanıñ jetekşilik etwimen jazılğan joba barısında oqwşılar swdıñ qasïe­timen tanısıp, Nur-Sultan qalasındağı sw tazalaw joldarın zerttep, ondağı twındaytın mäselelerdi anıqtadı.
Olardıñ aytwınşa, Nur-Sultan qalasında swdı tazartwda üş ädis qoldanıladı. Onıñ birinşisi – mehanïkalıq ädis. Osı ädis arqılı swdağı qumnan tunatın jäne qalqıp şığatın zattar tehnïkalıq qurılğılarmen joyıladı.
– Qalamızda bul process usaq tü­yirli süzgişter arqılı iske asırıladı. Ekinşisi – hïmïyalıq ädis. Bul ädis barısında swdı tazalaw üşin ärtürli hïmïyalıq zattar qoldanıladı. Biraq soñğı kezde ğalımdar hlordıñ adam ağzasına tïgizetin keri äserin däleldep, tazalawdıñ bul ädisine şektew qoyıp jatır. Degenmen hïmïyalıq ädispen lastanğan swlardağı erimeytin zïyandı zattardı 95 payızğa deyin azaytwğa boladı. Sondıqtan Nur-Sultan qalasında bul ädis qoldanısqa ïe. Biraq hlorlı tazalawdan keyin sw arnayı tazartqış satılardan ötedi. Al swdı tazalawdıñ bïologïyalıq ädisi arqılı mïkroskopïya­lıq ösimdikter men janwarlar ösirip, arnayı qutıda üstinen sw toltıradı. Tömengi jağınan qattı awa ağınımen ürleydi. Bul ädis organïkalıq zïyandı zattardı ıdıratıp tastaydı, – deydi Alwa men Zarïna.
Bolaşaq ğalımdar üy jağdayında swdı tazalaw joldarın da qarastırıptı.
– «Astana sw arnası» mekemesi sizderdiñ päterleriñizge dayın tazartılğan awız swın jiberedi. Ol sw päterge jetkenşe birneşe satıdan turatın tazalawdan ötip, tekseriledi. Swdıñ sapasın saraptağan QR Sanïtarlıq qızmeti men Memlekettik standartı elordanıñ swı qawipsiz degen şeşim şığarğan. Sondıqtan onı alañdamay işwge boladı. Krannan swdı ağızğanda onıñ birşama hlor ïisi bar. YAğnï bul – bakterïologïyalıq las­tanwdan tazalanğan, standarttarğa say sw degen söz. Hlordıñ azğantay qospası densawlıqqa zïyan keltirmeydi. Eger hlordıñ ïisi bar swdı işkiñiz kelmese, onı aşıq ıdısqa quyıp, tundırıñız, ïis bwğa aynaladı, al qaynağan kezde müldem joq boladı, – dep jazğan Alwa men Zarïna özderiniñ zerttewlerinde.
Olardıñ sözinşe, astanada qoldanılatın swdıñ mölşeri norma boyınşa är turğınğa täwligine 332 lïtr swıq jäne ıstıq swdan keledi. Mısalı, 5 mïnwt boyı dwş qabıldağan kezde 100 lïtr sw jumsaladı eken. Sw aşıq kü­yinde qaldırılsa, sağatına 1000 lïtr sw ağadı desedi. Sondıqtan bolaşaq ğalımdar swdı uqıptı paydalanwğa keñes beredi.

 

Pikir jazw

Poçtañız jarïyalanbaydı

10 + 1 =