Sewl sammïti

0 88


Düysenbi küni törtkül dünïe Oñtüstik Koreyağa köz tikti.
Bul küni el astanası Sewlde 50-den astam memleket basşısınıñ basın qosqan YAdrolıq qarwğa qarsı halıqaralıq forwmnıñ jumısı bastaldı.
Oñtüstik Koreya. Sewl sammïti. Jappay qırıp-joyatın swıq qarwdı awızdıqtaw isinde osı uğımdar qatar atalatın boladı endi.

Alqalı jïında qarwsızdanw sayasatındağı Qazaqstannıñ ustanımı da joğarı bağalandı.
Sammïtte Elbası Nursultan Nazarbaev «YAdrolıq qarwdı birinşi bolıp qoldanğan elge halıqaralıq qawımdastıq qatañ şara qoldanıp, bul memleketti oqşawlawı kerek. Al, BUU qarwdan bas tartqan elderdiñ qawipsizdigine kepildik berwge tïis», – degen batıl bastama köterdi.
Vaşïngton sammïtinen keyingi eki jıldıñ jahandıq yadrolıq qawipsizdik salasındağı elewli oqïğalarğa tolı bolğanın, yağnï, älemde joğarı deñgeyde bayıtılğan wrannıñ basım köpşiligi joyılğanın, jer betindegi otızdan astam memlekettiñ yadrolıq qawipsizdik salasında ultıq mindettemeler qabıldağanın jäne 2010 jılı Astanada YAdrolıq terrorïzm aktilerimen küres jönindegi jahandıq bastama konferencïyası tabıstı ötkenin de atap ötti.
Osı eki jıl işinde Qazaqstan 210 tonna öñdelgen yadrolıq otındı qawipsiz saqtaw ornına tasımaldawda teñdesi joq jobanı jüzege asırdı.
Jappay qırıp-joyu qarwın taratwğa qarsı «Segizdik tobı» (G-8) elderiniñ Jahandıq seriktestigine qosıldı.
Qazaqstan Prezïdenti yadrolıq energetïka tek absolyuttik qawipsizdik kepildigi jağdayında jäne eñ bastı üş qağïdat negizinde damwı tïistigin atap ötti.
Birinşisi – Ämbebaptıq. Beybit atomdı ïgerw salasındağı halıqaralıq-quqıqtıq täjirïbeni jïnaqtaw jäne jüyelew qajet.
Ekinşisi – Transparenttilik jäne Jedeldik. YAdrolıq nısandardağı kez kelgen oqïğa twralı tolıq jäne jedel aqparatpen habardar etwmen qatar, tötenşe jağdaylarda şuğıl äreket etwdiñ ayqın tetikteri jasalwı kerek. Üşinşisi – Teñdik jäne Senim. Barlıq memleketterge beybit yadrolıq teh-nologïyalarğa qol jetkizwde, sonday-aq tömen deñgeyde bayıtılğan halıqaralıq wran bankiniñ kepildendirilgen qorın paydalanw mümkindiginde teñ quqıqtar berilwi tïis.
YAdrolıq qawipsizdik jönindegi ekinşi sammït ayasında Qazaqstan Prezïdenti Nursultan Nazarbaevtıñ, Resey Prezïdenti Dmïtrïy Medvedevtiñ jäne AQŞ Prezïdenti Barak Obamanıñ üşjaqtı kezdeswleri bolıp ötti.
Kezdeswdiñ qorıtındısı boyınşa üş memlekettiñ basşıları burınğı Semey sınaq polïgonına qatıstı üşjaqtı ıntımaqtastıq jöninde birlesken mälimdeme qabıldadı.
Mälimdemede üş el Prezïdentteri yadrolıq qarwdı taratw qawip-qaterine jäne yadrolıq lañkestikke qarsı küres jolın ustanatını aytılğan.
Sammït soñında Sewl kommyunïkesi qabıldandı.
Kelesi sammït 2014 jılı Gollandïyada ötetini belgili boldı.
Sonday-aq, Nursultan Nazarbaevtıñ Sewl sammïti qatıswşılarına yadrolıq materïaldardı fïzïkalıq qorğaw konvencïyasına 2005 jılğı tüzetwlerdi, olar 2014 jılğa deyin küşine enwi üşin tezirek ratï-fïkacïyalaw jöninde şaralar qabıldawğa şaqırwı da qorıtındı qujatta körinis taptı.

Pikir jazw

Poçtañız jarïyalanbaydı

ten − nine =