SERGEKTIK BOLSIN SERIGIÑ

0 136

Qazaq halqında «awırıp em izdegenşe, awırmaytın jol izde» degen naqıl bar. Sırqattana qalsaq, osı danalıq söz eske tüsedi. 7 säwirde Dünïejüzilik densawlıq küni atalıp ötti. Bul 1950-jıldan bastap dästürge aynalğan ürdis. Is-şara adamdardıñ densawlıq qadirin tüsinip, onı jaqsarta tüsw maqsatındağı tïisti şeşim qabıldawları üşin uyımdastırıladı. Dünïejüzilik densawlıq saqtaw uyımı är jıldı medïcïnadağı asa kökeykesti mäselelerdiñ birine arnap otıradı. Bïılğı «Jaqsı densawlıq ğumırğa jas qosadı» attı taqırıp qarttıq pen densawlıq mäselesin qozğadı.

Ïgi is-şaranı älemniñ 200-ge tarta eli atap ötedi. Onıñ işinde bizdiñ elimiz de bar. Qazaqstan bul uyımğa 1992-jılı müşe boldı. Sodan beri bul kündi eskerwsiz qaldırğan emes. Densawlıq merekesi Astanada köteriñki köñil-küyde toylandı. «Jastar» sarayınıñ mañında türli mädenï-köpşilik oyın-sawıq, sporttıq sayıstar körigi qızdı. «Salamattı Qazaqstan» memlekettik bağdarlamasınıñ ayasında medïcïna salasındağı mamandar qala jurtşılığına tegin keñes berip, tekserwden ötkizdi. Elorda turğındarı bilikti därigerlermen suhbattasıp, kökeyinde jürgen sawaldarına tolıqqandı jawap aldı. Biri qan qısımın ölşetip jatsa, birewleri şılım şegwdiñ aldın alw joldarın surastırdı. Sonday-aq, Qazaqstandağı dünïejüzilik densawlıq saqtaw uyımınıñ ökili Melïta Vwynovïç dünïejüzilik densawlıq saqtaw uyımınıñ älemdegi jäne Qazaqstandağı röli twralı äñgimelep berdi.
Mamandardıñ pikirinşe, Qazaqstanda soñğı jıldarı egde jasta-ğılardıñ sanı ösip keledi. 2010 jılı 1 qañtarda 65 jäne odan ülken jastağılar sanı 1,1 mln adamdı qurağan. Qazaqstan Respwblïkasınıñ densawlıq saqtaw isin damıtwdıñ 2011-2015 jıldarğa arnalğan «Salamattı Qazaqstan» Memlekettik bağdarlamasına säykes, halıqtıñ ömir sürwiniñ uzaqtığı 2015 jılğa qaray 70 jasqa jetedi.

Erkejan SÄTIMBEK

Pikir jazw

Poçtañız jarïyalanbaydı

17 + ten =