СӘПИЕВ БОЙТҰМАРЫ – СЕНІМДІЛІК

0 128

ASN_2000 (2)

Сейсенбі күні Қазақстан Республикасы Тұңғыш Президентінің мұражайында Лондон Олимпиадасының чемпионы, атақты бокс­шы Серік Сәпиев Қажымұқан Мұңайтпасов атындағы дарынды бала­ларға арналған республикалық спорт мектеп-интернаты және №31 мектеп-гимназия оқушыларымен кездесті. Кездесу барысында чемпион спорт жолындағы басынан кешкен қиын да қызықта, сабақ болар сынға толы сәттерінен естелік айтып, оқушылармен пікір алмасты.

Серік Сәпиев – соңынан ерген із­ба­сар­ларына үлгі боларлықтай тұлға, ел мақтанышы. Талай байрақты бәсе­кеде жеңіс тұғырынан көрініп, ту көтер­ген толағайдың табысты еңбегі – өрен­дер­ге өнеге. Батырмен дидарласып, сұрақ­тарына тұшымды жауап алған балалардың мерейі тасыды. «Өмірдегі бойтұмарыңыз не?» деген жеткіншек сауалына: «Менің бойтұмарым – өзіме сенімділік, белгілі бір затты тұмар етіп, оған байланған емеспін» деп Серік өзін-өзі тану арқылы болашаққа деген сенімнің қалыптасатынын ұқтырды. Кездесу соңында атақты боксшыға мұражай директоры алғыс хатын табыстады. Балалар боксшымен естелік суретке түсті.

Орынбек ӨТЕМҰРАТ

Пікір жазу

Почтаңыз жарияланбайды

thirteen − 6 =