SAPALI SWDIÑ SURAWI BAR

0 95

Astana qalasında 1 qırküyekten bastap sw bağası 15-20 payızğa qımbattaydı. Bul twra­lı buğan deyin de ay­tılıp, jazılıp keldi. Desek te turğındar arasında swdıñ qımbattawına negizsiz dep qaraytındar jeterlik. Şın mäninde sw bağası tarïfin köterwge ne türtki bol­dı?

Elordada kündelikti işip otırğan awız swğa aqısın tölemeytin jandar köp. Bir emes, birneşe eskertwge qulaq aspay, aylap-jıldap qarızğa belşesinen batqandarmen kürestiñ jalğız jolı – swdı toqtatw. «Astana sw arnası» mamandarı osığan baylanıstı birneşe tekserw jumıstarın jürgizwge twra keldi. Sw-kärizdendirw qızmetine, jal­pı debïtorlıq qarız soñğı jeti aydıñ işinde 271,64 mïllïon teñgeni qurağan. Onıñ işinde turğındardıñ qarızı – 111,74 mïllïon. Astana qalası boyın­şa barlıq käsiporındar men mekemelerdiñ qarızı -159,9 mln teñge. Sondıqtan mekemede qurılğan kommwnaldıq brïgada aldın ala eskertwge qulaq aspay, üş aydan beri awızswğa aqşa tölemegendermen küres bastap ketti. Nätïjesinde jıl basınan beri 330 päter awızswdan qağıldı. Tekserw barısında 200-ge jwıq päter turğını qarızın tölewge twra keldi. 50 jeke turğın üy sw-kärizdendirw qızmetimen qoş aytıstı. Ortalıq sw jüyesinen tekserw kezinde mekemeler de ajıratılğanın aytw kerek. 427 käsiporınğa sw berw toqtatılsa, 172 uyım tez arada qarızdarın ötedi.

Turğındar arasında awızswdı toqtatw kezinde tüsinbewşilik tanıtıp, aldın ala eskertwsiz sw-kärizdendirw qızmetin toqtatw negizsiz ekendigin alğa tartqandar kezdesken. Alayda «Astana sw arnası» telefon arqılı qarız bereşegin avtomattı türde esker­twden bölek, jıl basınan beri 2265 käsiporınğa jäne 26193 päter ïesine eskertw qağazın jibergen.

Aldağı waqıtta sw bağasınıñ qımbattawına budan bölek sebep­ter jeterlik. Qaladağı eskirgen qubırlardı awıstırwğa, swdıñ sapasın jaqsartwğa, jañadan paydalanwğa berilgen nısandarğa sw tartw qırwar jumıstı qajet etedi. «Astana sw arnası» mekemesi qunı 4,1 mlrd teñge turatın 2011-2014 jıldarğa arnalğan ïnvestïcïyalıq bağdarlamanı jüzege asırwda. Bul bağdarlama ayasında öndiristik – burğılaw keşeni, zerthana, swmen jabdıqtaw jäne kärizdew jelisi awıstırılğan. Aldağı waqıtta eskirgen energetïkalıq qurılğını awıstırw qarastırılwda. Jelilerdi awıstı­rw jäne jöndew qalanı sapa­lı swmen jabdıqtaw sapasın jaqsarta tüsetini sözsiz. «Asta­na sw arnası» mekemesiniñ Bas dïrektorı Wälïhan Dosaevtıñ aytwınşa, käsiporında jumıs isteytin qarapayım qızmetker 40 mıñğa jeter-jetpes jalaqı ala­dı. – Biraq, bul bağanı özimizdiñ jağdayımızdı jaqsartw üşin köterip otır dew qate tüsinik. Bizdiñ közdegenimiz – halıqtıñ swdı ünemdep üyrenwine qol jetkizw, – deydi ol. Rasında zert­tew nätïjeleri körsetkendey, jeke eseptewiş qural ornatqan päter turğındarı swdı burınğıdan äldeqayda ünemdep paydalanwğa üyrengen.

 

Vahït NÏYAZOV, «Astana sw arnası» mekemesiniñ baspasöz hatşısı:

– Aldağı waqıtta qujatqa säykes tutınwşılardıñ tobı boyınşa jäne jekelegen swdı eseptewdiñ qurılğıları bar jeke tulğalarğa swdı tutınw mölşeriniñ şektewli deñgeyi engizildi. Qujatqa säykes, 3,3 tekşe metrge deyin tutınılğan swdıñ är tekşe metri üşin bir adam 34,91 teñge, 3,3 tekşe metrden astam sw tutınğan bir adam är tekşe metr üşin 41,9 teñge, al jeke eseptewşi quralı joq halıq bir tekşe metri üşin 52,46 teñge töleytin boladı. Käriz qızmetiniñ bağaları jalpığa birdey 21,06 teñgeden 24,21 teñgege deyin öspek. 2-toptağı tutınwşılar är tekşe metr swğa – 104,03 teñge, 3-toptağılar – 113,39 teñge töleytin bola­dı. Bul bağalar kelesi jıldıñ qırküyegine deyin özgertilmeydi.

Gülmïra AYMAĞANBET

Pikir jazw

Poçtañız jarïyalanbaydı

2 × 2 =