Samwraydı sulatqan soqqı

0 89

Käsipqoy bokstan WBA därejesi boyınşa älem çempïonı Gennadïy Golovkïn kezekti kezdeswin jeñispen ayaqtadı. 

Qarsılası – japonïyalıq Nobw­hïro Ïşïda nebarı üş rawndqa şıdas berdi. Ïşïda, negizi, käsipqoy boksta bäsi bar boksşı. Alğaşqı kez­de­sw­le­ri­­nen-aq älem nazarın özine bur­ğan bılğarı qolğap şeberi 2011 jılı öz kar'erasınıñ eñ juldızdı sätin bastan ötkerdi desek, artıq aytqanımız emes. Atap aytqanda, ol osı jılı birde-bir ret jeñilip körmegen amerïkalıq Djeyms Kïrklendti bir rawnd işinde üş ret esten tandırıp, nebarı 3 mïnwtqa sozılğan kezdeswin jeñispen ayaq­tağan bolatın. Büginge deyin nokawttıñ aşı dämin tatıp kör­megen japondıq kezdesw aldında tilşilerge bergen suhba­tın­da: «Eger Golovkïnnen jeñil­sem, sportpen qoş aytısamın»,­ – degen eken. Özine sonşa senimdi bolğanına qaramastan ol üşinşi rawndta awır soqqı alıp, alğaş ret rïngte esten tana jeñilis taptı.

Bul kezdesw bizdiñ Gennadïy­diñ­ çempïondıq tïtw­lın­ qor­ğap­ qalw­ üşin ötkizgen jetinşi jekpe-jegi. Ïşïdanıñ aldın­­da ol ­AQŞ­ boksşısı­ Gabrïel' Rosado­nı­ tize büktir­gen­ bola­tın.­ Rosadonıñ jat­tıqtırw­­şı­­­la­­­rı rïngke aq oramal laqtı­rıp,­ araşa tüspegende Gena onı da­ tältirektetip jiberetini sözsiz edi. Al, bul jolı bapker­ler­­ nokawttıñ aldın alıp ül­ger­­me­­di.

Birinşi rawnd ädettegidey añ­dıs­pen bastaldı. Biraq, Gena­nıñ añdw ädisi basqaşa. Ol kütpegen jerden awır soqqılar darıtıp, sastıra sınap bağatını bar. Bul jolı da solay istedi. Jïi-jïi jeptiñ astına alıp, ara qaşıqtıqtı özine tïimdi alşaqtıqta ädemi saqtay bildi. Ekinşi rawndta Golovkïn qaharına minip, qos qolımen siltegen soqqıların dittegen jerine darıta bildi. Rawnd ayağına taman eseñgirep barıp, es jïğan Ïşïda gong aldında tağı bir awır soqqı jiberip alğan oñ qaptaldan. Osıdan keyin-aq onıñ oyını oñğa baspadı. Üşinşi rawnd bastalısımen öz qarqının üdete tüsken Gennadïy aqırı oñ qolımen qulaştay urıp, japondıqtı töreşilerdiñ stolına sulatıp tüsirdi.

Qazaqstannıñ abıroyın asqaqtatıp, käsipqoy boksta babı kelisip, bağı janıp jürgen Golovkïn jıl basınan bergi ekinşi kezdeswin de sätti ayaqtap, çempïon atağın abıroymen qorğap qaldı.

Erbol JANAT

Pikir jazw

Poçtañız jarïyalanbaydı

20 − six =