سامۋرايدى سۇلاتقان سوققى

0 89

كاسىپقوي بوكستان WBA دارەجەسى بويىنشا الەم چەمپيونى گەننادي گولوۆكين كەزەكتى كەزدەسۋىن جەڭىسپەن اياقتادى. 

قارسىلاسى – جاپونيالىق نوبۋ­حيرو يشيدا نەبارى ءۇش راۋندقا شىداس بەردى. يشيدا، نەگىزى، كاسىپقوي بوكستا ءباسى بار بوكسشى. العاشقى كەز­دە­سۋ­لە­رى­­نەن-اق الەم نازارىن وزىنە بۇر­عان بىلعارى قولعاپ شەبەرى 2011 جىلى ءوز كارەراسىنىڭ ەڭ جۇلدىزدى ءساتىن باستان وتكەردى دەسەك، ارتىق ايتقانىمىز ەمەس. اتاپ ايتقاندا، ول وسى جىلى بىردە-ءبىر رەت جەڭىلىپ كورمەگەن امەريكالىق دجەيمس كيركلەندتى ءبىر راۋند ىشىندە ءۇش رەت ەستەن تاندىرىپ، نەبارى 3 مينۋتقا سوزىلعان كەزدەسۋىن جەڭىسپەن اياق­تاعان بولاتىن. بۇگىنگە دەيىن نوكاۋتتىڭ اششى ءدامىن تاتىپ كور­مەگەن جاپوندىق كەزدەسۋ الدىندا تىلشىلەرگە بەرگەن سۇحبا­تىن­دا: «ەگەر گولوۆكيننەن جەڭىل­سەم، سپورتپەن قوش ايتىسامىن»،­ – دەگەن ەكەن. وزىنە سونشا سەنىمدى بولعانىنا قاراماستان ول ءۇشىنشى راۋندتا اۋىر سوققى الىپ، العاش رەت رينگتە ەستەن تانا جەڭىلىس تاپتى.

بۇل كەزدەسۋ ءبىزدىڭ گەننادي­دىڭ­ چەمپيوندىق تيتۋ­لىن­ قور­عاپ­ قالۋ­ ءۇشىن وتكىزگەن جەتىنشى جەكپە-جەگى. يشيدانىڭ الدىن­­دا ول ­اقش­ بوكسشىسى­ گابريەل روسادو­نى­ تىزە بۇكتىر­گەن­ بولا­تىن.­ روسادونىڭ جات­تىقتىرۋ­­شى­­­لا­­­رى رينگكە اق ورامال لاقتى­رىپ،­ اراشا تۇسپەگەندە گەنا ونى دا­ تالتىرەكتەتىپ جىبەرەتىنى ءسوزسىز ەدى. ال، بۇل جولى باپكەر­لەر­­ نوكاۋتتىڭ الدىن الىپ ءۇل­گەر­­مە­­دى.

ءبىرىنشى راۋند ادەتتەگىدەي اڭ­دىس­پەن باستالدى. بىراق، گەنا­نىڭ اڭدۋ ءادىسى باسقاشا. ول كۇتپەگەن جەردەن اۋىر سوققىلار دارىتىپ، ساستىرا سىناپ باعاتىنى بار. بۇل جولى دا سولاي ىستەدى. ءجيى-ءجيى جەپتىڭ استىنا الىپ، ارا قاشىقتىقتى وزىنە ءتيىمدى الشاقتىقتا ادەمى ساقتاي ءبىلدى. ەكىنشى راۋندتا گولوۆكين قاھارىنا ءمىنىپ، قوس قولىمەن سىلتەگەن سوققىلارىن دىتتەگەن جەرىنە دارىتا ءبىلدى. راۋند اياعىنا تامان ەسەڭگىرەپ بارىپ، ەس جيعان يشيدا گونگ الدىندا تاعى ءبىر اۋىر سوققى جىبەرىپ العان وڭ قاپتالدان. وسىدان كەيىن-اق ونىڭ ويىنى وڭعا باسپادى. ءۇشىنشى راۋند باستالىسىمەن ءوز قارقىنىن ۇدەتە تۇسكەن گەننادي اقىرى وڭ قولىمەن قۇلاشتاي ۇرىپ، جاپوندىقتى تورەشىلەردىڭ ستولىنا سۇلاتىپ ءتۇسىردى.

قازاقستاننىڭ ابىرويىن اسقاقتاتىپ، كاسىپقوي بوكستا بابى كەلىسىپ، باعى جانىپ جۇرگەن گولوۆكين جىل باسىنان بەرگى ەكىنشى كەزدەسۋىن دە ءساتتى اياقتاپ، چەمپيون اتاعىن ابىرويمەن قورعاپ قالدى.

ەربول جانات

پىكىر جازۋ

پوچتاڭىز جاريالانبايدى

3 × four =