Säkenniñ altın sağatı

0 49

Bas şahardağı köpşilik jïi baratın rwhanïyat ordasınıñ biri – Säken Seyfwllïn mwzeyi. Bul kïeli orın 1988 jılı aşılıp, osıdan eki jıl burın otız jıldığın atap ötti. Büginde murajay qorı bay, onda körnekti memleket jäne qoğam qayratkeri jayında tıñ derekter, zerdeli zerttewler men qundığılı mol jädigerler jïnaqtalğan. Sonıñ işinde ardaqtı aqınnıñ özi tutınğan altın qalta sağatı erekşe nazarımızdı awdardı. Bul – jay jädiger emes, tarïhı bar dünïe.1934 jılı jazwşı Maksïm Gor'kïydiñ uyıtqı bolwımen Mäskewde Keñes jazwşılarınıñ bükilodaqtıq birinşi s'ezi ötedi. Barlıq respwblïkanıñ körkem söz zergerleri jïnalğan mañızdı jïınğa Qazaqstannan Säken Seyfwllïn, İlïyas Jansügirov, Beyimbet Maylïn bastağan aqın-jazwşılar delegat bolıp qatısadı. Al 1936 jılı Qazaqstan Jazwşılar odağı qayratker aqınnıñ ädebï jäne qoğamdıq qızmetine 20 jıl tolwın saltanatpen atap ötedi. Osı mereyli jïında tuğırlı tulğanıñ köp jıldıq elge jasağan qızmeti bağalanıp, Eñbek Qızıl Tw ordenimen marapattalıp, altın qalta sağat tabıs etedi.
Dawılpaz aqınnıñ ayşıqtı altın qalta sağatı Şveycarïyanıñ «NÜ MOZER» fïrmasında şamamen 1870-1880 jıldarı jasalınğan. Sağat joğarğı sınaptı altın 18 k /750 sınama/ salmağı 100 gr. 1882 jılı şıqqan. Dïametri – 45 mm, üş qaqpaqtan turadı. Sırtqı qaqpaqta Säken Seyfwllïn esimi jazılğan, işki qaqpaqta «HY MOZER&CE» «ECHAPPEMENTE ANCHE» «RERRES» «QUALITELEPAINE» fïrması degen jazwı bederlengen.
Bul jädigerdi Säken atamızdıñ zayıbı Gülbahram anamız aqınnıñ biraz zattarımen birge köziniñ qaraşığınday saqtağan. 1973 jılı ol kisi qaytıs bolğannan keyin olar Almatı murajayına ötkizilgen. Sonıñ işinde tarïhın bayandap otır­ğan altın qalta sağat ta boldı. Qazir bul jädiger elordadağı Säken Seyfwllïn mwzeyiniñ törinde tur.

Pikir jazw

Poçtañız jarïyalanbaydı

three × 1 =