Қызметі қолайлы iKOMEK

0 24

Елордадағы IKOMEK орталығы қалалық қызметтер жұмысының тиімділігін бірнеше есе арттырып отыр. Бүгінгі таңда Ikomek 109 толығымен цифрландырылған және 700-ден аса қалалық қызметтермен байланыс орнатқан. Орталыққа 2020 жылдың басынан бері
1 889 641 өтініш келіп түсті. Бұл көрсеткіш үнемі өсіп келеді.

«iKOMEK мемлекеттік басқаруда үздік халықаралық тәжірибелерді енгізудің жарқын үлгісіне айналды, мұнда АҚШ тәжірибесі қолданылды. 311 қызметі АҚШ-тың 300 қаласында 4000-нан астам мемлекеттік және федералды қызметтерді ұсынады. Біз ТМД-да азаматтармен өзара әрекеттесу және тұрғындарды қаланың дамуына тарту үшін бірегей жоба жасадық. Айта кетейік, АҚШ-та 28 жыл (3-1-1 және 9-1-1) қолданыстағы модельге көштік, біз бұл тәжірибені 6 ай ішінде енгіздік» деді iKOMEK109 қалалық орталығының басшысы Жаннат Дүбірова.
IKOMEK қалалық орталығында барлық операторлар әмбебап болуға үйретілген. Қызметкер қоңыраулардың көп бөлігін үнемі жаңартылып отыратын кең білім базасының арқасында тікелей сөйлесу кезінде шешеді. Базада қаланың мемлекеттік басқармалары мен коммуналдық қызметтерінің жұмысы туралы ақпарат сақталады: анықтамалық ақпарат, коммуналдық қызметтердің жоспарланған және алдын алу жұмыстары туралы деректер.
«Біз қызметтер каталогын кеңейттік. iKOMEK 2500-ден астам мәселені қамтиды, бұл қаланың тыныс-тіршілігінің 51 саласы: сумен, газбен, электрмен жабдықтау, қоғамдық көлік, білім беру және т.б. Бізде де жұмыс сапасын бақылау қызметі бар. Операторлардың жұмыс сапасын, инциденттер бойынша жауаптардың және пысықтаулардың сапасын тексереміз» деп бөлісті орталық басшысы.
Бүгінде iKOMEK-те қала аумағында орналасқан 16 мыңнан астам бейнебақылау камералары, оның ішінде балабақшалар, мектептер, емханалар және басқа да объектілер біріктірілген. Камералар, негізінен, сауда ойын-сауық орталықтары, мешіттер, ірі автобус аялдамалары, вокзалдар сияқты адамдар көп жиналатын орындарды қамтиды.
Қауіпсіздікті тиімді үйлестіру мен орталықтандырылған мониторингтеуді қамтамасыз ету үшін «iKOMEK» орталығының өзінде Нұр-Сұлтан қалалық полиция департаментінің қызметкерлері орналасқан.
Бұл әкімшілік және қылмыстық құқық бұзушылықтарды анықтауға әсер етеді. Сонымен қатар iKOMEK орталығының операторлары 12 мыңға жуық әкімшілік құқық бұзушылықты анықтады, олардың 800-ден астамы хаттамамен рәсімделді.
Операторлар қалалық бейнебақылау жүйесі арқылы қар, су тасқыны мен жаңбыр кезінде су басу фактілерін, ашық құдықтарды және ТКШ саласындағы басқа да оқиғаларды анықтады. Барлық жағдайлар қалалық коммуналдық қызметтермен жедел пысықталды.
IKOMEK109 бірыңғай байланыс орталығын құрудың арқасында елордада «коммуналдық қызметтер» мәселесі шешілді: өтініштердің 86%-ы осы бағыт бойынша «бірінші қоңыраудан» шешіледі. 2020 жылдың басынан орталыққа 1 889 641 өтініш келіп түсті.
Естеріңізге сала кетейік, iKOMEK109 қалалық орталығы 2018 жылдың қаңтарында құрылған болатын. Бүгінде әрбір қала тұрғыны цифрлық сервистердің кең спектрі арқылы өтініш бере алады және оның мәртебесін қадағалай алады, бүгінде олардың саны 9-ға жетті:
1. Ұялы және қалалық телефондардан тегін 109 нөмірі;
2. Телеграм-бот: t.me/nursultanikomek109_bot;
3. Қала әкімдігінің сайты astana.gov.kz;
4. «Ikomek109» мобильді қосымшасы (PlayMarket-те);
6. aitu.city порталы;
7. Электронды мекенжайы: 109@ikomekastana.kz;
8. Instagram: @ikomek109;
9. Facebook: facebook.com/ikomek109.

Пікір жазу

Почтаңыз жарияланбайды

three × 5 =